Aleqa: Piffissami killiligaanngitsumi inissiisarfimmiitinneqartut peqqissimisinnaatitaanerat sivitsorneqarli

Kalaallit Danmarkimi piffissami killiligaanngitsumi Herstedvesterimiitinneqartut, Nuummi pineqaatissinneqarsimasunut inissiisarfimmut nuutsinneqartut, Nuummi pineqaatissinneqarsimasunut inissiisarfittaamiitinneqarnertik sungiussinnaanngikkunikku Herstedvester Fængselimut utersinnaatitaanissaat Inatsisartut 2017-imi ukiaanerani ataatsimiinneranni akuersissutigineqarpoq.

Nuummilu inissiisarfimmut nuunneqartut nuunnertik peqqissimissutiginnissinnaanerannut ukiumik ataatsimik piffissalerneqartariaqarput.

Nunatta Qitornaanneersoq, Aleqa Hammond aviisimi Politikenimi allaaserisami taama siunnersuuteqarpoq.

Kalaallit piffissami killiligaanngitsumi inissinneqarsimasut Herstedvesterimit pineqaatissinneqarsimasunut Nuummi inissiisarfimmut nuunneqarsinnaanissaat pillugu inatsisissatut siunnersuutip Folketingimi siullermeerlugu oqaluuserineqartussaanera aqaguttorlu Aleqa Hammond Politikenimi allaaserisaqarpoq.

AAMMA ATUARUK  Piffissami killiligaanngitsumi inissiisarfimmiitinneqartut nuunnertik peqqissimissutigisinnaassagaat

Piffissami killiligaanngitsumi inissiisarfimmiitinneqartut ukiup affaata iluani peqqissisimissutigisinnaassagaat, Inatsisartut 2017-imi ukiaanerani ataatsimiinneranni akuersissutigineqarpoq.

- Tigummineqartoq apriilip aallaqqaataata missaani nuunneqaruni, taava tigummineqartup Nuummi inuunini nutaaq
qaammatini arfinilinni misilerarsinnaavaa. Qaammatillu siulliit arfinillit Nunatsini aasaanerani qaamasarneranik misigisaqarsinnaassalluni. Tigummineqartullu Kalaallit Nunaanni sivisuumik ukiuusarnerata sungiusimajunnaaratarsimassinnaavaa, annilaangatigaaralu tigummineqartup piffissaq misileraaffia sivikippallaartoq, taamaattumik siunnersuutigissavara, piffissaq misiliiffiusoq ukiumik ataatsimik sivisussuseqassasoq, Aleqa Hammond, inatsisissatut siunnersuut pillugu Danmarkip inatsisinik atuutsitsinermut ministerianut Søren Pape Poulsenimut taama allaaserisaqarpoq.

Folketingimi immikkoortoq oqaluuserineqalerpat, Aleqa Hammondip Nuummiinnissani kissaatigigamiuk najuutissanngilaq, Inatsisartunimi mittarfiit pillugit oqaluuserisassaq sisamanngornermi aappassaaneerneqartussaavoq.

AAMMA ATUARUK Inissiisarfinni atornerluisuunermut katsorsaanerit nunatta nammineq akilertassagai

AAMMA ATUARUK Parnaarussat ikittuinnaat Nuummut nuukkusupput

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat