Nakorsaq: Peqqinnissaqarfiit ulapputissaqarnerulerput

Nakorsat nappaammik syfiliisimik katsorsaaginnaratik aamma tunillanneqarsimasinnaasut pissarsiarinissaat akisussaaffigileraat. Peqqinnissaqarfiup avannaani qitiusumik immikkoortortaqarfiani, nakorsaq, Peter Vedsted taama oqarpoq:

- Inuiaqatigiinni paasititsiniaanerussaagut, aaversitsinerussaagut tunillanneqartullu atoqatigisimasaat aamma misissorneqassallutik.

AAMMA ATUARUK Syfilis tuniluuppoq

Ukioq syfiliisertutut nalunaarutigineqartut 75-iupput, nappaalli ingerlaaqqinnginnissamma, tunillanneqarsimasut atoqatigisimasaat paasineqarnissaat pingaaruteqartoq, nakorsaq oqarpoq.

- Atoqatigisimasat kikkuuneri paasiniassavarput. Taakku soorunami aamma oqaloqatigissavagut tunillatsissimanersullu misissorlugit, Peter Vedsted taama oqarpoq.

Nappaammik ulorianartumik syfilisimik tunillatsissimasut nakorsamit kapitillutik katsorsarneqartarput. Tamatumali kungorna atoqatigisimasat tamarmik attaveqarfigineqartarlutik, suliarlu tamanna peqqinnissaqarfinni piffissamik atuiffiungaatsiartarmat, nakorsat kaammattuuteqarput:

- Paasititsiniaanermi oqariartuutigissavarput kinguaassiuutini ersiuteqaraanni misissortikkiartortassasut. Taava aaversinneq quumillu misissuineq ingerlanneqassapput, syfilissimik tunillatsissimanersut paasiniarlugu, .Peqqinnissaqarfiup avannaani qitiusumik immikkoortortaqarfiani, nakorsaq, Peter Vedsted taama oqarpoq.

AAMMA ATUARUK Syfilisertut aatsaat taama amerlatigisut