Orpipassuit ikuallanneranit pujoq kujataanut annguppoq
Canadami nunap panertorujussuuunera pillugu orpippassut sapaatit akunerani ukunani ikuallattorujussuupput.
Orpippssuit Canadami sumiiffinni assiginnngitsuni hundrelikkaani ikuallattorujussuupput.
Orpippassuit 7,2 million hektaritut isorartutigisoq ikuallassimalereerpoq.
Nunat kimmut sanilerisarput ungasikkaluaqisoq orpipassuit ikuallannerannit pujoq kujataanut annguppoq, pujorlu isorujuttoq takussaavoq
Taama oqaluttuarpoq Anja Jørgensen Rødgaard Qaqortumi najugaqartoq.
- Canada immaqa nunap ikuallannerata kingorna, maani illoqarfimmi ersarissukuuugami ullumikkut takuneqarsinnaasoq pujoq isorujuttoq seqinnertigaluni ersarippoq, Anja Jørgensen Rødgaard taama oqarpoq.
Nalinginnaasuunngilaq pujoq nunarsuup annersaanut siaruaattarnera.
Ikuallannermit pujoq Spanimut annguppoq.
Canadami orpipassuit ikuallanneranit pujoq kujataanut anngussimanera silasiorfiup DMI-p Nuummi immikkoortortaqarfiani silasiortup Jens Lindskoldip tupaallaatiginngilaa.
- Pujoq Spaniamut Portugalimullu anngussimavoq, taamaattumik Canadamik orpipassuit ikuallanneranit pujoq kujataanut anngussimanera qaqutigoortuunngilaq silasiortoq Jens Lindskjold taama oqarpoq
Qaqortumiittup Anja Jørgenseni Rødgaardip ulluinnarni putsumik taama ittumik takuneq ajorami alutorsaatigaa
-Soorunami taama ungasitsigalita eqqarsajallannarpoq kakkaak, taava takorloorsinnaavara immaqa nunarujorujussuaq ikuallassimasoq. Allaanavianngilaq, taava soorunami tupinnarpoq.
Pujoq takkuteqqissaaq
Kujataani illoqarfinni nunaqarfinnilu innutaasut piffissami aggersarsumi orpipassuit ikuallannerannit putsumik takusarnissartik naatsorsuuitigissavaat.
Orpipassuit ikuallanneranit pujoq nunatta kujaataannut annguttoqarnissaa ilimasaarutigineqartoq, silasorifmmi DMI-p silasiortup Jens Lindskjoldip oqalutuaraa.
- Sapaatip akunnerata naanera qiviariarutsigu, anorip sammivia eqqarsaatigalugu putsup kujataanut ussinnerulluni annguteqqinnissaa ilimanarpoq, taamaalippallu qilak qaqqorisseqqissalluni, silasiortoqq Jens Lindskjold oqarpoq.
Qaqortuminngaanersoq Anja Jørgensen Rødgaard putsumik taamaattumik ulluinnarni takuneq ajorami alutorsarpoq.
- Soorunami ippinnalaarpoq, silagittorujussuugatta seqinnerluta. Ippinnalaarpoq ulluinnarni taamatut takuneq ajorluni, Anja Jørgensen Rødgaard oqarpoq
