Orpippassuit ikuallattut Sermersuup aakkiartorneranut peqqutaasut
Nunatsinnut 23-eriarluni angalasarnermini Sermersuaq ilisimatusarfigisimavaa, taannalu Geusimi [De Nationale Geologiske Undersøgelser for Danmark og Grønland] januaarip aallaqqaataani atuutilersumik ilisimatusarnermi professoritut atorfinitsinneqaqqammerpoq.
Jason Box albedomik taaguuteqartinneqartoq immikkut ilisimasaqarfigaa - oqaaseq silap pissusaata piffissami sammineqarnerani ilikkarniagassarput. Albedo suup qaavata qaamanermik millugussisinnaassusaanut uuttuutaavoq. Suup qaava qaqortuuppat, taava qaamarngup qinnguai utertinneqassapput, suulli qaava qernertuuppat, taava qaamarngup qinnguai kissatut millugunneqassapput. Taamaammat sermeq ipeqarpat pitsaavallaanngilaq, taamaattoqarnerami aakkiartornera sukkanerulissammat.
Sermersuup albedoa aasaq manna uuttortarneqarami aatsaat taama appasigitsaaq, Jason Brix Informationimut nassuiaavoq. NASA-p nunarsuup silaannartaanik assilisai orpippassuit ikuallaffiisa ulluinut naleqqiussimavai Canadamilu Labradorimi ikuallattoqarnerata arsakui Sermersuarmut anngussimanerat paasisimallugu.
2013-imi Sermersuarmut ilisimasassarsioriartoqqinnissani maanna pilersaarusiorpaa, taamaaliornikkut orpippassuit arsakuisa tassunga apuuttarnerannut inaarutaasumik uppernarsaatissaq nassaariumallugu, sermersuullu aakkiartorneranut qanoq sunniuteqartiginersoq, tassalu albedoa, naatsorsorniarlugu.