Nuummi parnaarussivissaq qanoq isikkoqassanersoq unammissutigineqalerpoq
![](/sites/default/files/styles/image_934x467/public/article_images/p1040464_0.jpg?itok=TscAlqW2)
Parnaarussivik 8.000 kvadratmeterisut angitigisussaq paarnaarussanut 76-inut inissaqassaaq. Pinerluttunik isumaginnittoqarfiup erseqqissaatigaa parnaarussivimmi inissinneqartussat, parnaarussivimmi sulisinnaassasut pulaartoqarsinnaassasut aammalu sammisassaqartitsiviusussamik immikkoortoqassasoq, kiisalu allaffik teknik-imik suliaqarfik isumannaallisaanermullu atortunik immikkoortortaqarfeqassasoq.
Parnaarussivik ungaloqassaaq, matoqqasortaalu qarmanik ungalusimassalluni. Illussanik titartaasartut ingeniør-illu parnaarussiviup sananeqarnissaanut unammisitsinermik peqataaniarunik kingusinnerpaamik 7 november nalunaartussaapput.
Unammisut akornanni tallimat pinerluttunik isumaginnittoqarfimmit toqqarneqassapput, taakkua parnaarussivissap qanoq ittuunissamik neqeroorutaat misissorneqassallutik.
Paarnarussivik Nuummi mittarfiup aqqutaata eqqaani sananeqassaaq, 347 millioner koruuninik akeqassalluni. parnaarussivik 2017mi sananeqarnera naammassissaaq.