Legatit: Nunatsinneersut nunani allani ilinniartut legatinnattut
Aningaasaateqarfik kunngikkormiunit pilersinneqartoq Ivalo & Minik Fonden kalaallinut inuusuttunut ilinniartunut pingasunut legatinit tunissuteqassapput. Aningaasaateqarfik tusagassiuutinut taama nalunaaruteqarpoq.
Michael Platou Korea Kujallermi Pusan National Universitymi ilisimatusartoq.
AAMMA ATUARUK Niuernermik ilinnialertussaagaluit ilinniakkamik kiisami aallartitsisinnaanngulersut
Aviaja Lynge Petersen perorsaasunngorniarnerminut atatillugu New Zealandimi Spectrum Caremi suliffimmik misiliisoq.
Kiisalu Ninni Jerimiassen Århusip universititiani geologitut ilisimatusarnermini, semesterimi ataatsimi Norgemi Trondheimimi teknisk- naturvidenskabelige Universititsimi ilisimatusarneranut, Ivalo & Minik Fonden tapersiilluni legatinik tunniussivoq.
Legatit 100 procentimik Royal Arctic Line A/S, Royal Greenland A/S, GrønlandsBANKEN's Erhvervsfond, NunaFonden-imiillu tunissutinit aningaasalersorneqarput.
AAMMA ATUARUK Kunngissakkut meeraat Schweizimi atuassasut
Siulersuisuni siulittaasoq Minik Rosing tamatumuuna imatut oqaaseqarpoq:
”Aningaasaliisimasut qutsavigerusuppakka tunniussinermikkut inuiaqatigiinnut iluaqutaasumik akisussaaffimmik tigusimmata. Inuusuttut sinnattuinik ilumoortunngortitsisuummata, aappaatigullu Kalaallit Nunaata innuttaanik ilinniarluarsimanerulernissaannik qulakkeerinnittuulluni. Uanga isumaqarpunga ataatsimut isigalugu inuiaqatigiinni tassaalluinnartoq tamatta iluanaaruteqarfigisarput.”
2014-imili ilinniartut 4-t sinnilaarlugit Ivalo & Minik Fondenimit legatinik tunineqarsimapput.
Qinnuteqarnissamut killigititaasoq tassaavoq 15. februar 2020.