Kunngissakkut meeraat Schweizimi atuassasut
Kunngissap Frederiup nuliatalu Maryp meerai sisamat Schweizimut ukiup nutaap aallartinnerani atuariartussapput.
Kunngissakkut meerai tassaasut 13-nik ukiulik prins Christian aqqaneq marlunnik ukiulik Isabella, kiisalu marlulissat arfineq-pingasunik ukioqartut prins Vincent aamma Josephine - maanni Kalaallit Nunaanni Minimmik Ivalomillu taagorneqartut Schweizimut atuariartussapput, aviisi avisen.dk taama allaaserisaqarpoq.
Kunngikkormiut tusagassiisartuisa pisortaata Lene Ballebyp uppernarsarpaa, Kunngissakkut meerai sisamat Schweizimut nunat tamat atuarfigisartagaani piffissami sivikitsumi ukiumi nutaami atuariartorumaartut.
Kunngissakkut meerai qanoq sivisutigisumik Schweizimi atuassanersut Lene Ballebyp paasissutissiissutiginianngilaa.
Schweizimi atuarfiit nunarsuarmi tamarmi ajunngilluinnartutut tusaamaneqarput, kunngikkormiullu meerarai Schweizimi franskit, tyskit italiamiullu oqaasiiinik atuiffiusumi ilikkagaqarnssaat naatsorsuutigineqarsinnaavoq.