Nuuk: Angut aqqusinikkut angallannermi ajutoortoqarnerani ajunaartoq
Nuummi aqqusinermi Qeqertanummi angut lastbiilimit aporneqarnermi kingorna toquvoq. Politiit takunnissimasinnaasunik ujartuipput.
Allattoq Birgitte Kjeldsen
novembarip 28-at 2025 15:06
Nutserisoq Karla Heilmann
Angut 83-inik ukiulik Nuummi aqqusinikkut angallannermi ajutoortoqarnerata kingunerisaanik toquvoq.
Politiit tusagassiuutinut nalunaarummi taama allapput.
Politiit ajutoortoqarneranik nalunaaqutaq 11.52 nalunaarfigineqarput, tassani angut lastbiilimik aporneqarpoq, Qeqertanut – Starkip umiarsualiveqarfiullu aqqutaani illoqarfiup Qinnguttalu akornanniippoq.
Ajutoornerup kingunerisaanik toquvoq, Politiit allapput.
- Kalaallit Nunaata Politiivi suliamik misissuipput, tamatumunngalu atatillugu umiarsualivimmi tallimanngornermi ullorornerani pisumut takunnissimasinnaasunik ujartuipput, tusagassiuutinut nalunaarummi allapput, suliarlu pillugu annerusumik oqaaseqaateqaqqinngillat.
Politiit oqarasuaammut 70 14 48-mut attavigineqarsinnaapput.
