Nunaqarfiit ilai inuerukkiartorumaarput
Najuqarfiit appasissumik inissitaasut aaqqissuulluagaasumik torersumillu matuneqarnissaannut suliniuteqartussamik ataatsimiititaliamik pilersitsisoqarnissaa innersuussutaavoq, tamannalu isornartorsiorneqarsimavoq.
Aamma atuaruk Innersuussutigineqartoq paatsoorneqarsimavoq
Nunaqarfeqassaarmi inueruttussat, Kåre Hendriksen DTU Artek-iminngaanniit oqarpoq.
- Kalaallit Nunaanni taamaattuaannarnikuuvoq, aamma tupinnanngilaq, najugaqarfimmut atassuteqarunnaaraanni inuussutissaqarunnaarnerluunniit, najugaqarfimmut allamut nuuginnartoqarsinnaavoq, taamaanngippat pisortat ikiorsiissutaannik inuussuteqartariaqarsinnaapput, Kåre Hansen taama oqarpoq.
Aamma atuaruk Pinngitsaaliissummik matoqqaanissaq tusarniaanermi akissuteqarfigineqanngilaq
Nunaqarfiit ilaasa napatinniarneqarnisssaannut aamma tunngavissaqarunnaartoqarsinnaaviq. Birger Poppel Ilisimatusarfimmeersoq taama oqarpoq.
- Upperiatsajasuunngilanga aamma isumaqanngilanga najugaqarfinni tamani inuussutissaqarnissamut aalisarsinnaanissamullu periarfissaqassasoq, Birger Poppel oqarpoq.
Taamaammat najugaqarfiit pillugit tulleriiaarinissaq paasinarluartuusoq, Kåre Hendriksen oqarpoq.
- Sumiiffinnut inuussutissarsiornikkut siuariartorsinnaalluartunut aningaasaliinissaaq paasinarluartuuvoq. Taava sumiiffinnut inuussutissarsiornikkut siuariartornissamut ilimanaateqanngitsunut piffissap ilaani aningaasaliinani. Kisianni nuussutissarsinornikkut inerriartorfissalittut isigisat piffissami allanngoriartortarput, Kåre Hendriksen taama oqarpoq.
Aamma atuaruk Nassuiaat nunaqarfinnik inuerusaanissamik imaqanngilaq
Tulleriiaarisoqarnissarmi siunissami pisariaqarsinnaasoq, inuiaqatigiit pillugit Ilisimatusarfimmi ilisimatooq Birger Poppel isumaqarpoq.
- Imaassinnaavoq siunnissami tulleriiaarinissaq pisariaqassasoq, kisianni pingaarnersiuinermut tunngavissat aatsaat paaseqatigiissutigineqarpata, Birger Poppel oqarpoq.
Aamma atuaruk Qinikkat taasinernik annaasaqarnissartik ernumatigaat
Ilisimatuulli marluullutik erseqqissarpaat, tulleriiaarinissaq paasinarluaraluartoq, illoqarfiit nunaqarfiillu sorliit siulliullugit aningaasaliiffigineqarnissaannut nuna tamakkerlugu pilersaarusiaq tunngavissiinngilluinnartoq.
Ilaatigut najugaqarfinni illoqarfinnilu inuussutissarsiuteqarnissamut periarfissat suli mississoqqissaarneqarsimanngitsut, Kåre Hendriksen oqarpoq.
