Assi: Jonas Fievé/KNR

Randi Vestergaard: Innersuussutigineqartoq paatsoorneqarsimavoq

Nuna tamakkerlugu pilersaarutip isornartorsiorneqarnera paatsoornermik pissuteqarpoq, Aningaasaqarnermut Naalakkersuisoq, Randi Vestergaard Evaldsen taama oqarpoq.

Najuqarfiit appasissumik inissitaasut aaqqissuulluagaasumik torersumillu matuneqarnissaannut suliniuteqartussamik ataatsimiititaliamik  pilersitsisoqarnissaa innersuussutaavoq, tamannalu Inuit Ataqatigiit, Siumut Partii Nalerarlu isornartorsioqammerpaat.

Ataatsimiititaliap pilersinneqarnissaa "siunertaqarneq quarsaarnartutut isigisariaqarpoq" Partii Nalerami siulittaasoq, Hans Enoksen, tusagassiuutinut nalunaarummi oqarpoq. Nunaqarfiilli matuneqarnissaannut oqalunneq Inuit Ataqatigiit tulluarsorinngilaat.

 - Taanna akerlerilluinnaqqissaarparput, Inuit Ataqatigiit siulittaasuat Sara Olsvig taama oqarpoq.

Aamma atuaruk Pinngitsaaliissummik matoqqaanissaq tusarniaanermi akissuteqarfigineqanngilaq

Radioaviisip Sara Olsvigimut paasisipaa pilersaarusiami nunaqarfinnik pinngitsaalinermik matusineq pillugu pineqanngimmat, tamannalu innersuussutigineqartoq paatsoorneqarsimasoq, Randi Vestergaard Evaldsen oqarpoq.  

 - Oqaaseqaatit ilai paatsuunganarsinnaagamik aammalu nutserneri equngasoqaramik, taamaammat pilersaarusiaq utertipparput, Nalaakkersuisummi nunaqarfinnik matusinianngillat, Randi Vestergaard Evaldsen oqarpoq.

Aamma atuaruk Nassuiaat nunaqarfinnik inuerusaanissamik imaqanngilaq

Taamaakkaluartorlu pilersaarusiap imarisaa akisussaaffigiumavaa, kisianni oqaasertaliornerit allanngortariaqarput, paatsuunganartoqannginniassammallu utertippaat Randi Vestergaard Evaldsen oqarpoq.

Aamma atuaruk Qinikkat taasinernik annaasaqarnissartik ernumatigaat

Paatsoorneqartullu allangorneqartinneqarnissaat imaaliallaannaq aaqqinneqarsinnaanngilaq.

- Naqiternissai, nutserneqarnissai, aaqqiissutissallu aaqqinnissai pisinnaanngilaq, ukiaanerani ataatsimiinnermi novembarip 21-iani naasussaavoq, taamaammat angumerisinnaangilarput. Taamaammat nuna tamakkerlugu 2017-imut pilersaarummut uku ilanngunneqarumaarput, Randi Vestergaard Evaldsen taama oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat