Namminersorneq pillugu isumalioqatigiissitami ilaasortat allanngunngillat

Ministeriuneq Anders Fogh Rasmussen oqarpoq:

Aalajangiuteqqammerparput Namminersorneq pillugu isumalioqatigiissitap sulinera ingerlaqqilissasoq.

Isumalioqatigiissitap maannamut ilaasortarisai ingerlaqqissapput. Siulittaasoqarfik maannamut atuussimasoq ingerlaqqissaaq, tassa Jonathan Motzfeldt aamma Christian Mejdahl siulittaasoqarfimmiiginnassapput naak qinersineqaraluartoq, Ministeriuneq Anders Fogh Rasmussen taama ullumi tusagassiortunik katersortitsinermini apeqquteqarfigiganni taama akivoq.

Ministeriunerup aamma oqaatigaa isumalioqatigiissitami ilaasortaq Birthe Rønn Hornbech nunasisut pillugit ministeriunertut toqqarneqarmat, taamaammat folketingip Kim Andersen venstremeersoq isumalioqatigiissitami ilaasortatut nutaatut toqqarpaa.

- Isumalioqatigiissitap maanna sulinini ingerlateqqissinnaalerpaa, sisamanngorpallu naalakkersuisut siulittaasuat ataatsimeeqatigissavara, tassani eqqartussavarput Namminersorneq pillugu isumalioqatigiissitami sulineq qanoq ilillugu sukkanerpaamik naammassineqarsinnaanersoq, Ministeriuneq Anders Fogh Rasmussen oqarpoq.

Partii Nutaaq Ny Alliance isumalioqatigiissitami ilaasortaatitaqassanersoq Anders Fogh Rasmussen aperiganni ima akivoq : - naagga, ataatsimiinnissaq ataaseq kiserngoruppoq taamaammat isumalioqatigiissitami allannguisoqanngissaa ujartorsimavarput, sulinerup ingerlaqqipallannissaa siunertaralugu, Fogh raadiuaviisimut taama oqarpoq