Naalakkersuisut Kujataani qulimiguullit ataatsimik ilagaat
Kujataani assartuussinikkut ajornartorsiutinut aaqqiissutissarsisoqarpoq. Naalakkersuisummi Kujataani qulimiguullit decembarip qaammataata sinnerani angalasussamik ataatsimik ilavaat.
Allattoq Anton Gundersen Lihn
decembarip 04-at 2018 10:57
Nutserisoq Simon Uldum
Kujataa sapaatit akunnerini kingullerni sila sikoqarpallaarneralu pissutigalugit assartuussinikkut ajornartorsiorfiuvoq. Tamatumunngalu aaqqiissutissatut Kujataani qulimiguullit ataatsimik ilaniarlugit Naalakkersiusut aalajangerput, Namminersorlutik Oqartussat tusagassiorfinnut taama nalunaaruteqarput.
Qinnuteqaat Inatsisartut Aningaasaqarnermut Akileraartarnermullu ataatsimiititaliaannit novembarip 24-ani akuerineqarpoq.
Qulimiguulik pineqartoq tassaavoq AS 350, taannalu 2018-imi decembarip sisamaanit 31-ata tungaanut angalatinneqassaaq, Kujataanilu nunaqarfinnut nunaqarfinniillu timmisartuussinermut atorneqassalluni.
Ingerlatseqatigiiffik Disko Line Kujataani silaannakkut imaatigullu angallassisuuvoq.
