Naalakkersuisut innuttaasunik peqataatitsiniarnerat Pallep apeqquteqaatigaa
Demokraatit sinnerlugit Inatsisartuni ilaasortaq Palle Christiansen Inuussutissarsiornermut, sulisartoqarnermut aatsitassarsiornermullu Naalakkersuisumut Jens-Erik Kirkegaardimut maanna saaffiginnissuteqarpoq. Taassuma Naalakkersuisut immaqa aalajangiuteriigaanni immikkuualuttut, aatsitassarsiornissanut pilersaarutini pilersaarusiornermi paasissutissiinerunissamut peqataatitsinerunissamullu tunngasut paasisaqarfiginerorusuppai.
Palle Christiansenip aamma paaserusuppaa, kikkut avataaneersut Naalakkersuisunit paasissutissiinissamut peqataatitsinissamullu suleqatiginiarneqarnersut.
- Avammut attaveqarluarnermi tamanut oqalunnissaq pineqanngilaq, aammali tusarnaarnissaq pineqarluni, politikeri illuatungiliuttuneersoq § 37 najoqqutaralugu apeqqummini taama tunngavilersuivoq.
- Imaassinnaavormi Inuussutissarsiornermut, Aatsitassarsiornermut Sulisartoqarnermullu Naalakkersuisoqarfiup pineqartoq pillugu tusagassiillaqqinnerulernissaanut tusagassiorfiit innuttaasullu assigiinngitsut pitsaasunik isumassarsiaqartut, Palle Christiansen Demokraatineersoq naggasiivoq.