Naalakkersuisoq: Malinneqarnissaat ilimananngilaq
- Pinngortitaleriffiup innersuussutai tusaatissatut tiguagut aamma nalilersuinermut peqataallutillu ilaassapput, kisianni innersuussutigineqartut malinneqarnissaat massakkuugallartoq ilimagivallaanngilara, aalisarnermut naalakkersuisoq Erik Jensen oqarpoq.
AAMMA ATUARUK Pinngortitaleriffik pitsaanerusumik siunnersuisariaqartoq
Qalerallit tunisat, aalisartut namminneq nalunaarusiaat ilisimatuullu misissuinerat aallaavigalugit pinngortitaleriffiup qaleralittassiissutit pillugit innersuussutini saqqummiuppai.
- Qalerallit tunineqartut ikilimmata annikillisimammatalu imaanngilaq qalerallit ikilissut. Isumaqarpunga tunitsiveqarniarnikkut annertusaanerput ingerlattariaqaripput, taamaalilluta pisassiissutigineqartut tamakkerlugit qallorneqarsinnaanissaat angusinnaaniassagatsigu.
AAMMA ATUARUK Sinerissap qanittuani qaleraleqassuseq kinguariarpoq
AAMMA ATUARUK Avataani qaleraleqarluarnera sinerissap qanittuanut pitsaasumik sunniuteqarsinnaasoq
Aningaasaliinerunianngilaq
Pinngortitaleriffik aalisarneq pillugu pitsaanerusumik siunnersuisariaqartoq, aalisarnermut ataatsimiititaliami ilaasortat, Siumumeersoq Karl Kristian Kruse Demokraatineersorlu Steen Lynge, KNR-imut oqaatigereerpaat.
Tamannalu anguneqassappat Namminersorlutik Oqartussat pinngortitaleriffimmut aningaasaliinerusariaqarsoraat.
AAMMA ATUARUK Qaleralinniartoqarpallaarpoq
Naalakkersuisorli isumaqataanngilaq.
- Pilersaaruteqanngilagut pinngortitaleriffimmut massakkut annertunerusumik aningaasaliinerunissarput. Kisianni suleqatigiinnerunissaat avaqqunnagu aningaasaliissutit piumasaqaatitaqarnerusut ingerlassinnaanissaat tulleriiarinermiittoq taanna oqaloqatigiissutigerusunneruarput, aalisarnermut naalakkersuisoq Erik Jensen oqarpoq.
