Meeqqerivinni aqutsisut: Kangiamiunik sulisoqalerneq aaqqiissutissatsialaanngitsoq

Perorsaasut sulinermi atugaat pitsanngortariaqartut, meeqqerivinni aqutsisut Elisabeth Sikemsen Andreas Jessenilu isumaqarput. Perorsaasummi sulinermi atugaat politikeriniit pingaartinneqannginnerat inuiaqatigiit akilertaraat, taakkua oqarput.

Meeraaqqerivinni meeqqerivinnilu perorsaasut sulinermi atukkatik ajoraangata, allanut sulinermi atugarissaartitsinerusunut suliffissarsiortarmata, meeqqat peerorsaasussaalatsinermit eqqugaasarput.

Qeqqata Kommunia meeraaqqeriviit meeqqeriviillu sulisussaalatsinerat pissutigalugu kangiamiunik avataaniit suliartortitsiniarluni aalajangerpoq. Tamannali aaqqiissutissatsialaanngitsoq, meeqqerivinni aqutsisut marluk taakkua oqarput. Perorsaanermik ilisimasaqarneq amigaataassasoq, taakkua aamma oqaatigaat.

Oqaatsit unamminartuussapput 

Perorsaasut piginnaasaat kisimi amigaataanavinngitsoq aamma oqaatsit unamminarnissaanut ernumassuteqarlutik taakku oqarput, suleqateqartariaqassappummi nutserissussisinnaasunik.

- Nutserisorujussuanngussagatta uagut, allattugassaqarput meeqqat nalilersuutaanik tunngasut taakkulu immersugassat qallunaatuujunngikkunik kalaallisut immersortussaavaat taava taakkua piginnaaneqarfigisariaqarpaat immersuissagunik, Andreas Jessen taama oqarpoq. 

- Aamma pilersaarusiornerit sapaatit akunneranut angajoqqaanut takutissorneqartussaapput, angajoqqaat paasisinnaasaanik allaqqasut. Tusaamavagut ilikkajasut kisianni qanoq sivisutigisumik ilikkajanersut,  Andreas Jessen taama oqarpoq.

Meeqqanik pinerliisimannginnermut uppernarsaat qulakkiivinneqarsinnaanngilaq

Meeqqerivik Maligiami aqutsisoq Andreas Jesseni sulisunik amigaateqaraluaqaluni, meeqqanik pinerliisimannginnermut 
uppernarsaammik piniarnermi qulakkeerinnissinnaannginneq ajornartutut isigaa: 

- Eqqarsaatigiinnarlugu soorlu børneattestimik piniartussaatitaavugut tikisitsissagutta qanoq piniassanersut takorlooruminaappoq nunaat suleqatigineqarnersoq apeqqutaassagami, taava kisianni sulisinnaassusaat pilerinarsinnaavoq,  taanna oqarpoq. 

Kangiamiunik suleqateqartareersimavoq

Elisabeth Sikemsen kangiamiumik suleqateqareernikuuvoq, tunniusimasorujussuunerarpaa sullarinnerarlugulu, isumassuinermullu aamma piginnaaneqarnerarpaa. Nutserinerilli piffissamik atuiffiusarneri 

- sulisut aamma apeqqutaapput qanoq tuluttoorsinnaatiginersut, tuluttut annerusumik oqaaseq atuleraangamikku taava aamma piffissaq imminut sammillutik pigunik taava aamma meeqqat piffissaanut atortussaagaluaq pinngitsuulertarpoq. Taava aamma annerusumik soorlu inimi sulisut sungiussisimasut taakkuusarput allattuineq pilersaarusiornerit nutseriitigalutillu pisariaqartarnerit.  Taanna piginnaasaat sulinissaq tungaatigut pivoq taamaattorli oqaatsit tungaatigut piffissaq annertoq aamma kikkut tamarmik tuluttoorsinnaanngillat aamma angajoqqaaqarpoq aamma tuluttut killilimmik paasinnissinnaasut oqarsinnaasullu

-aamma taakkuugamik qanoq iliorluta taava paaseqatigiinneq pilissavarput taava aamma sulisoq ekstra aggertariaqarpoq paasititseqataasoq.

Aaqqiissutissatsialaanngilaq

Elisabeth Sikemsen Andreas Jessenilu isumaqatigiipput, perorsaasut atugaat aaqqiivigineqanngippata perorsaasut meeraaqqerivinni meeqqerivinnilu suliumannginnerat allanngornavianngittoq:

- Ilungersunariartorneri aallaaveqartarput amma uagut atorfilittut atukkagut, annerusumik akisussaaffiit annertuut tigummigaluttuinnarparput taavalu aningaasarsiatigut nikingaassanata taava pedagoogitut atorfinittartut amerlasuutigut aningaasat aporfigalugit uniinnartartut allanut nuuttartut naammattoortarnikooqaakka,

NPK-ip nunatsinni perorsaasut sulinermi atugaat pillugit nalunaarusiaq 2023-meersoq uani atunersinnaavat.