Inuit piniariartarfiata UNESCO-p allattorsimaffianut ilanngunneqarnissaa sulissutigineqartoq

Inuit piniariartarfiat UNESCO-p nunarsuarmioqatigiinnut kingornussassatut ilanngunneqarnissaa sulissutigineqarpoq, Qeqqatalu Kommunia Namminersorlutik Oqartussat peqatigalugit suliamut ilisimasalinnik suleqateqarlutik UNESCO-p Nunarsuarmioqatigiinnut kingornussaassaannut ukiuni arlalinni piareersaasiortoqareerluni qinnuteqaammik nassiussipput.

AAMMA ATUARUK Qeqqata Kommunia UNESCO-p allattorsimaffianut aamma ilarusuppoq

Qeqqata Kommunia tusagassiuutinut taama nalunaaruteqarpoq.

"Aasivissuit - Nipisat, Sermersuup imallu akornanni inuit Piniariartarfiat". Qinnuteqaat kulturimut pinngortitamullu qinnuteqaataalluni taakkununnga tunngassuteqarpoq, qinnuteqaallu Danmarkip kulturministerianit Mette Bockimit ippassaq pingasunngornermi atsiorneqarpoq, Slots- og Kulturstyrelsen i Danmarkilu UNESCO-p Parisimi allaffeqarfianut atortussat nassiuppai.

AAMMA ATUARUK Sumiiffiit uku tallimat nunarsuarmioqatigiinnut eriagisassanngortinneqarsinnaapput

Inuit Naalagaaffeqatigiiffimmi takusassaqqissunut amerlanerusunut isiginninnerulernissaat Mette Bockip neriuutigaa:

- Naalagaaffeqatigiiffitsinni kulturikkut takusassaqqissorpassuarnik pinngortitaqarfinnillu illersortariaqakkatsinnik ilisimaneqarnerulersitassatsinnilu amerlasuunik peqarpugut. Kalaallit Nunaanni piniariartarfissuaq asseqanngitsoq Aasivissuit - Nipisat nunarsuarmi kingornussassat allattorsimaffiannut ilanngunneqarnissamut piukkunnarluarpoq, kulturministeri oqarpoq.

Kultureqarnermut Naalakkersuisoq Doris Jakobsen assingusumik aamma neriuuteqarpoq.

AAMMA ATUARUK Nunarsuarmi kingornussatut eriagisassatut UNESCO-mut innersuussinissaq Kujataani oqallisigineqartoq