Nunarsuarmi kingornussatut eriagisassatut UNESCO-mut innersuussinissaq Kujataani oqallisigineqartoq
Kujataata ilaanik nunarsuarmi kingornussatut eriagisassatut UNESCO-mut innersuussinissamik suliaqarnissamut toqqammavissamik pilersitsiniarniarlu Qassiarsummi Igalikumolu oqallitsitsilluni paasissutissiillunilu ataatsimiisitsisoqassaaq.
Allattoq Peter Troelsen, Simon Uldum
oktobarip 22-at 2013 03:55
Qassiarsummi Café Bratahildimi ippassaq ataasinngornermi unnukkut nal. 19.00 ataatsimiisitsisoqarpoq Igalikumilu unnugu marlunngornermi illu kiffartuussivimmi nal. 19.00 ataatsimiisitsisoqassaaq.
Kommune Kujalliup Namminersorlutik Oqartussat Nunattalu Katersugaasivia suleqatigalugit innersuussinissamut atugassanik suliaqartussaapput, kujataata ilaani UNESCO-p nunarsuarmi eriagisassatut toqqartuiffianut ilanngutsitsinissaq siunertaavoq, soorlu Ilulissast Kangia ukiuni arlaqalersuni taamatut aamma inissisimasimasoq. Innersuussisinissamut atugassat 2014-imi upernaakkut piareersimanissaat naatsorsuutigineqarpoq. Taamanikkussamullu sammisaq pillugu innuttaasunik ataatsimiisitsisoqaqqikkumaarpoq.
