Assi: KNR

Kalaallit Nunaat suli qimaasunut tunngasunut piareersimanngilaq

Qimaasunik tigusinissaq aamma aningaasatigut ikiuinissaq periarfissaanngilaq. Tunngaviusumik aalajangertoqannginnera aningaasarliornerlu peqqutaapput, Vittus Qujaukitsoq oqarpoq.

Suliaqarfik nunanut allanut tunngasunut nunatta suli oqartussaaffiginngimmagu suli Kalaallit Nunaannut qimaasunik nunasisoqalernissaq piareersimaffigineqanngilaq, Nunanut allanut Naalakkersuisoq KNR-mut taama oqarpoq.

Aamma atuaruk Nina K.: Ikiuinissamik kissaateqarluta takutitserusuppugut

- Massakkut nunarput qimaasunik tigusisarnissaanut tunngatillugu tunngaviusumik aalajangernikuunngilaq qimaasunut qanoq iliuuseqartarnissatsinnut. Taamaattumik aningaasatigut ikiunissamut imaluunniit qimaasunik tigusinissamut Kalaallit Nunaat massakkorpiaq piareersimanngilaq, Nunanut allanut tunngasunut naalakkersuisoq Vittus Qujaukitsoq taama oqarpoq.

Aamma atuaruk Qimaasut pillugit Løkke ataatsimiigiaqqusinasuarpoq

Apeqqummullu nunatsinnit aningaasatigut ikiorsiinissamut periarfissaqartoqarnersut, taanna isumaqarpoq nunarput aningaasarlioqisoq eqqarsaatigissagaanni immikkullu aningaasanik qimaasunut tunngasunut atugassanik nunatta karsianit peqartinnagu nunarput imaaliallaannaq aningaasatigut ikiorsiinissamut piareersimanngitsoq. Kisianni nunatta karsianit ajunaarnersuarnut aningaasanik uninngasuuteqarpoq, aamma immikkorluinnaq ittunik pisoqartillugu atorneqarsinnaasut:

- Aalajangertagaqagarput unaavoq, nunarsuarmioqatigiinnitsinnut qanoq annertutigisumik nammaqataassanerluta, taanna apeqqut piareersimaffigisaqaratsigu.

Aamma atuaruk ASSIT Syriamiut qimaasut danskinit kalaallinillu katersuiniunneqartut

Vittus Qujaikitsup ukiup uuma aallartinnerani qimaasunut tunngasunut apeqqummi tusagassiorfinnut oqaatigaa politikkikkut oqallittoqalernissaa aallartittariaqartoq.

Aamma atuaruk Qimaasorpassuit ilaat Danmarkimut tikittut

Tamannalu angutserlugu naalakkersuisut qimaasunut tunngatillugu maanna nunanut allanut qimaasunullu tunngasunut suliaqarfiit nunatsinnut nuunneqarnissai anguniarlugit piareersaleruttorput.

- Taamaattumik suna tamarmi ataatsikkut naammassisussaanngikkaluartoq suliat ingerlapput, Nunanut allanut tunngasunut Naalakkersuisoq Vittus Qujaikitsoq taama oqarpoq.

Aamma atuaruk Kalaallit Røde Korsiat 50.000 koruuninik ikiorsiivoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat