Politikki

Qimaasut pillugit Løkke ataatsimiigiaqqusinasuarpoq

Danmarkimi qimaasunut killiffik pillugu ministeriunerup Lars Løkke Rasmussenip partiit Folketingimi ilaasortaatitaqartut ataatsimiigiaqqunasuarpai.

Allattoq Helle Nørrelund Sørensen

septembarip 07-at 2015 14:13

Nutserisoq Mads Lynge

Tusagassiortunik katersuutsitsinermi ministeriuneq taama oqarpoq.

Tysklandimiit qimaasut 400-it missaanniittut sapaatip akunnerata naanerani qimuttuitsunik Danmarkiliaanerisa Løkke uisippaat. Danmarkip kisimiilluni qimaasut pillugit unammilligassat naammassinnaanngilai. Taarsiullugu Europamiut ataatsimoorlutik qimaasunut suleriaasissaq ujartortariaqarpaat.

- Ajornartorsiut una naammassiniassallugu Danmarkip kisimiilluni kivinniarsinnaanngilaa. Europamiut allat peqatigalugit suliaq ingerlanneqartariaqartoq, Lars løkke Rasmussen tusagassiortunik katersuutitsinermi oqarpoq.

Aamma atuaruk ASSIT Syriamiut qimaasut danskinit kalaallinillu katersuiniunneqartut

Danmarkip nunasinianik 100-nik tigusisinnaanera, Lars Løkke Rasmussenip Angela Merkelimut oqaatigaa. Tyskland nunasiniartunik 4000-inik sapaatip-akunnerata kingulliup ingerlanerani tikilluaqquseqqammersorlu Løkke taama neqerooruteqarpoq. Qimaasut allat qimuttuitsunut ilaallutik Danmarkimut ullumi tikinnikuupput.

Aamma atuaruk Qimaasorpassuit ilaat Danmarkimut tikittut

Partiit Folketingimi ilaasortaatitaqartut qimaasut pillugit ullumi kingusinnerusukkut ataatsimiittussaapput.