Nunanit allanit

ASSIT Syriamiut qimaasut danskinit kalaallinillu katersuiniunneqartut

Syriami eqqaanilu qimaasut Danmarkimi oqallisaasupilussuupput. Ikiuinerput naammaginarpa? Ilumut ikiuissaagut? Qanoq ikiuissaagut? Danskit ilaatigut taamatut eqqarsaatersuuteqarput.

Allattoq Camilla Dam

septembarip 07-at 2015 11:55

Professorip statistikerillu Hans Roslingip Syriami pissutsit qanoq ilungersunartigineri paasiuminartunngorlugit DR-ip nittartagaani nassuiarpai.

Inuit pisariaqartitsisut ikiornissaannik soqutiginnittut Nunatsinni aamma tusarsaapput. Arnakkuluk Jo Kleist, Arctic Winter Gamesimi ulluinnarni atorfeqartoq Røde Kors aqqutigalugu katersuiniarnermik aallartitsisimavoq.

Aamma atuaruk Qimaasorpassuit ilaat Danmarkimut tikittut

- Kalaallit Nunaanni Nuummit katersuiniarneq. Kalaallit Nunaanni amerlaqaagut Syriami pisunit attorteqqasut. Inuit qimaasut assingi aliatsannartut aamma uagut attortissutigaagut. Røde Korsip Syriami ikiuiniarluni suliniarneranut annertuumut aningaasanik katersuiniaqataagit, Arnakkuluk Jo Kleist taama allappoq.

Maniitsormiu Pia Rasmussen aamma Røde Kors aqqutigalugu katersuiniarnermik aallartitsisimavoq.

- Inuit tuusintilippassuit atugarliornerinut isiginnittuuvugut. Amerlavallaartut iluatsitsineq-ajorput maangaannarmullu suuteqaratik qimaannarneqartarlutik. Aamma naleqquttumik ikiorneqartut ikippallaarujussuarput.

- Pisut isiginngitsuusaaginnarsinnaanngilakka. Taamaammat nammineerlunga maanna iliuuseqarnialerpunga. Aamma neriuppunga allanik ikiuiniarninni ikiorusussagimma.... annikikkaluarpalluunniit, Pia Rasmussen ilaatigut taama allappoq.

Qimaasut taakkuninngalu ikiuiniarneq pillugu Danmarkimi allat allaaserisaat ataani atuarsinnaavatit.

[View the story "Flygtningehjælp" on Storify]