Qimaasorpassuit ilaat Danmarkimut tikittut

Qimaasut 300-t missaat Tysklandimit qimuttuitsorlutik Lollandimi illoqarfimmut Rødbymut sapaatit-akunnerata naanerani tikipput.

Tikittut ilarpassui aallaqqaammut narsaatitigut politiinit qimarrakkaluarput. Kingusinnerusukkulli katersorneqarput akunnittarfinnullu inissinneqarlutik, taakkunanilu politiinit killisiorneqarput qimaasutullu Danmarkimi akuerineqarnissamik qinnuteqarsinnaatitaanerannik ilisimatinneqarlutik.

Inuit maannamuugallartoq 64-it qimaasunut inissiisarfimmut Sandholmlejrenimut ingerlateqqinneqarsimasut Danmarkip Radioata ilisimatitsissutigaa.

Qimaasut taakku Akullersuaq ikaarlugu Europamut, ilaatigut Ungarnikkoorlutik, qimaasorpassuit ilagivaat.

Tyskit nutaarsiassaqartitsiviat DPA naapertorlugu, Tysklandip naalagaaffiata Tysklandimut qimaasorpassuit ikiorserniarlugit aappaagumut 45 milliardit koruuninik immikkoortitsiniarluni aalajangersimavoq.

Qimaasunik qimuttuitsorlutik ullumi ataasinngornermi ullunilu aggersuni Rødbymut tikeqqittoqaqqinnissaa danskit politiivisa naatsorsuutigaat.