Nina K.: Ikiuinissamik kissaateqarluta takutitserusuppugut

Ikiorsiinitsigut nunatsinni nammineq ajornartorsiutitsinnut aaqqiiniarnernut iluaqutigisinnaavagut. Erinarsortartoq Nina K. Jørgensen taama isumaqarpoq. Taassuma qimaasunut tunngasunut Kalaallit Nunaannit oqallittoqannginnerata sumik tunngaveqarnersoq sapaatip akunnerata siuliani ujartorpaa:

- Ungasikkaluaqaluta aamma qanippagut. Taamaattumik maanngaanniit takutitsisinnaavugut aamma misigissuseqartugut. Aamma ikiuinissamut kissaateqartugut, sorsuffinniit qimaasut aatsaat taama sorsunnersuup aappaatali kingorna taama amerlatigisut pillugit erinarsortartoq Nina K. Jørgensen taama oqarpoq.

Aamma atuaruk Qimaasut pillugit Løkke ataatsimiigiaqqusinasuarpoq

Taassuma paasilluarpaa inuttaasut ikiorsiisoqarnissaanut innersuussisoqartillugu tunuarsimaartarnerat. Nunatsinnimi annertuunik ajornartorsiuteqarpugut. Isumaginninnerup iluani ajornartorsiutit, pinngitsaaliinerit allallu.

Aamma atuaruk ASSIT Syriamiut qimaasut danskinit kalaallinillu katersuiniunneqartut

Nunatsinnilu atugarissaanngitsut taakkuussaanngillat ikiuillutik qaqitsisussat.

- Nunatsinni amerlaqaagut pissarissaartut nukittuut, uaguuvugut ikiorsiisinnaasut iliuuseqarsinnaasullu.

Aamma atuaruk Qimaasorpassuit ilaat Danmarkimut tikittut

Qimaasunut tunngasunut ikiuinitsigut, nunatsinni ajornartorsiutinut aaqqiinissamut tarrarsorfissaqalissaagut, Nina K. Jørgensen oqarpoq.

- Ilimagilluinnarpara ikiuigutta nukittunerulissasugut, ajornartorsiutigullu nammineq aaqqissinnaalernissaanut pitsaanerulissalluta, Nina K. Jørgensen oqarpoq.

Aamma atuaruk Kalaallit Røde Korsiat 50.000 koruuninik ikiorsiivoq