Jens B. Frederiksen: Sioorasaarinerit imaqanngitsut

Kalaallit Nunaata qulinik qipoqqartassinneqarnissaanik EU itigartitsimmat, aalisarnikkut isumaqatigiissutip nalilersoqqinneqartariaqartoq ICC-p piumasaraa, suliffeqarfissuillu EU-meersut nunatsinni aatsitassarsiorsinnaajunnaarlutillu uuliasiorsinnaajunnaarnissaat KNAPK-p piumasaraa. - Tamakku sioorasaarinerupput imaqannngitsut, Jens B. Frederiksen, Demokraatineersoq, oqarpoq.
Allattoq Mads Lynge
juunip 30-at 2008 12:16

Kalaallit Nunaata qulinik qipoqqartassinneqarnissaanik EU-mi ilaasortat itigartitsereermata ICC-p Kalaallit Nunaanni siulittaasuata, Aqqaluk Lynge-p siunnersuutigaa EU-mut aalisagartassiissutit unitsinneqarallassasut, KNAPK-miillu piumasarineqarpoq suliffeqarfissuit EU-meersut Kalaallit Nunaanni aatsitassarsiorsinnaajunnaarlutillu uuliasiorsinnaajunnaarnissaat.

- Tamakku sioorasaarinerupput imaqanngitsut, Demokraatit piniarnermut aalisarnermullu tunngasunut oqaaseqartartuat Jens B. Frederiksen oqarpoq, nangipporlu:

- Sioorasaarutitut taakku atussallugit pissusissamisuunngilaq. Aningaasaqarniarnikkut Kalaallit Nunaat nunanut allanut naleqqiullugu sanngiinneruvoq, aalisarnermullu EU-mut isumaqatigissut taamaatinneqassappat nunatta karsia 320 millioni koruuninik amigartooruteqalissaaq, Demokraatit piniarnermut aalisarnermullu tunngasunut oqaaseqartartuat Jens B. Frederiksen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq