Italiami ujaarineqarnerpaaq tigusaasoq

Matteo Messina Denaro eqqartuussisunik marlunnik mafianik malersuisunik, Falconemik Borsellinomillu, toqutsisimasutut pasineqarluni najuutinngitsoq eqqartuunneqarami inuunermi sinnerani parnaarussassanngortinneqarnikuuvoq.
Matteo Denarop tigusarineqarnera, mafianik akiuiniarnermi ajugaarujussuarnerusoq, Italiami ministeriuneq Giorgia Meloni oqarpoq. Assi © : AFP/Ritzau Scanpix
Allattoq Ritzau
januaarip 17-at 2023 08:25
Nutserisoq Mads Lynge

Angut Italiami ujaarineqarnerpaaq, Siciliami pinerlunniaqatigiit mafiat Cosa Nostrat siuttuat Matteo Denaro, politiinit ukiuni 30-ni ujaarineqareerluni, ippassaq ataasinngornermi tigusarineqartoq, Italiami politiit ilisimatitsissutigaat.

Denaro 60-inik maanna ukiulik, eqqartuussisunik marlunnik mafianik malersuisunik 1992-imi toqutseqataasimasutut pasineqartoq, inuunermi sinnerani parnaarussassanngortinneqarpoq.

Nutaarsiassaqartitsivik AFP taama allappoq.

AAMMA ATUARUK Italiami mafiani pissaaneqarnerpaat pillugit eqqartuussivinni suliarujussuaq aallartittoq

Matteo Denaro illoqarfinni Firenzemi, Romami Milanomilu 1993-imi qaartartumeerinernut, inuit qulit inuunerannik naleqartunut aamma ilaasimavoq.

Matteo Denarop tigusarineqarnera, mafianik akiuiniarnermi ajugaarujussuarnerusoq, Italiami ministeriuneq Giorgia Meloni oqarpoq.

Matteo Denaro illoqarfimmi Palermomi nakorsiartarfimmiittoq politiinit tigusarineqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk