Politiit ullormut nalunaarutaat: Nuummi ATV-it aallarunneqartut
Qamutit unnuami paarnaaqqatittarnissaat politiinit kajumissaarutaavoq.
Ataasinngornerup unnuaani inuit marluk ATV-nik aallarussisimasut politiit naammattoorpaat.
Allattoq Ann-Sophie Greve Møller
septembarip 09-at 2025 08:20
Nutserisoq Tabetha Kreutzmann
Ataasinngornerup unnuaani nalunaaqutaq 02.30 missaani ATV-t marluk Nuummi angalaartut pillugit politiit nalunaarfigineqarput.
- Inuit marluk ATV-nik angalaartut politiinit unitsinneqarput, paasinarsivorlu aallarussisimasut, Heini Jacobsen, Kalaallit Nunaanni Politiini pigaartut pisortaat, oqaluttuarpoq.
Taakku marluk unnerluutigineqarput politiinillu angerlaanneqarlutik.
Qaammatip siuliani illoqarfiit pingaarnersaanni inuk ataaseq unnuakkut ATV-mik aallarussanik ingerlaarpoq. Taamaattumik paarnaartarnissaat politiinit kajumissaarutaavoq.
- Unnuakkut parnaarneqartannginneri ajornartorsiutaavoq. Taamaattumik piginnittut isumannaarniartassavaat, pigaartut pisortaat oqarpoq.
