Politiit ullormut nalunaarutaat: Illoqarfiit pingaarnersaanni aallarussinerit arlallit

Angerlarsimaffiit, biilit qamutilluunnit parnaarneqartarnissaat eqqaamasarnissaa politiiniit illoqarfiit pingaarnersaata innuttaasuinut kaammattuutigineqarpoq.

Allattoq Ann-Sophie Greve Møller

aggustip 28-at 2025 12:29

Nutserisoq Medea Olsen

Biilit ingerlaarutillu Nuummi sisamanngornerup unnuaani aallarunneqarput. Kalaallit Nunaanni politiit taamatut nalunaaruteqarput.

- Biilit aallarunneqarsimasutut unnuaq nalunaarutigineqarput. Biilit ajutoorsimasut politiiniit kingusinnerusukkut nassaarineqarput. Ajoqusertoqarsimanngilarli, Kalaallit Nunaanni politiini pigaartut ittuat Poul Kreutzmann oqarpoq.

Unnuami kingusinnerusukkut ajortoqaqqippoq.

- ATV-it pissusissamisuunngitsumik ingerlanneqartut politiiniit takuneqarput. Unitsinneqarmata, 16-inik 17-inillu ukiulimmiit aallarunneqarsimasut paasinarsivoq, pigaartut ittuat oqarpoq.

Aallarussinerit pineqartut suliakkiutigineqarput.

Angerlarsimaffiit biilillu ingerlaarutilluunniit parnaarneqarnissaat eqqaamaneqartarnissaa politiit illoqarfiit pingaarnersaata innuttaasuinut kaammattuutigaat, Nuummi tillinniartoqartarmat.

Ilulissani ajunaartoqartoq

Inuk Ilulissani toqungasoq sapaatip akunnerata aallartinnerani siumorneqarpoq. Tamanna marlunngornermi pivoq, Hotel Icefjord-ip avataatungaani angut immami toqungasoq politiinut nalunaarutigineqarmat.

- Politiit ambulancellu piffimmukartinneqarput, pasinartoqannginneralu qulakkeerniarlugu ingerlaannaq paasiniaasoqalerpoq. Ajunaartoqarsimarpasittorli paasineqarpoq, angutip umiatsiami inissiisarfiata eqqaani siumorneqarami. Tamatuma saniatigut aalakoorsimanissaa imaanullu nakkartoorsimanera ilimagineqartoq, Poul Kreutzmann oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.