Politiit ullormut nalunaarutaat: Niviarsiaraq peqatimininngaanniit qimaalluni biilinit aqqutalugineqartoq
Sisimiuni niviarsiaraq 17-inik ukiulik niviarsiaqqanit allanit qimaalluni marlunngornermi ualikkut nalunaaqutaq tallimat arfernullu missaanni biilinik aqqutalugineqarpoq.
- Biilinut saneqquttunut ikiortissarsioraluarluni orlusimavoq niualu biilinik aqqutalugineqarluni, sillimasut pisortaat Jeppe Andsager oqarpoq.
Niviarsiaraq sooq qimaasimanersoq paasineqanngilaq, sillimasut pisortaat oqarpoq. Niviarsiaqqallu qanoq inneranik oqaaseqarsinnaanani erseqqissaatigalugu.
- Biilinik aquttoq ilisimavarput niviarsiaqqalli qanoq innera oqaatigisinnaanagu.
Tamanna politiinut kingusinnerusukkut nalunaarutigineqartoq, tassa pingasunngornermi nalunaaqutaq 14.04 aatsaat nalunaarutigineqartoq, sillimasut pisortaata oqaatigaa.
Suliaq misissorneqaleruttorpoq innuttaasunillu takunnittoqarsimappat, politiit nalunaaruteqaqquaat.
- Sisimiuni Qeeqi 14-imi tamanna pisimavoq, Jeppe Andsager oqarpoq.
