Spiralilersuisimaneq pillugu arlaannaannulluunniit attuumassuteqanngitsumik misissuineq saqqummersinneqartoq

Kalaallit arnartaat tuusintilikkaat piffissami pineqartumi spiralilersorneqarsimasut qulaajaanerup takutippaa – pisuni amerlanerni akuersititseqqaarnani spiralilersuisoqarsimalluni. Arnat ikinnerpaamik 4070-it 1970-ikkut naalerneranni spiralilersorneqareersimasut misissuinerup takutippaa, tassa arnat erniorsinnaasut affaasa missaat spiralilersorneqarsimallutik.

Peqqissutsimut inunnullu Innarluutilinnut Naalakkersuisoq, Anna Wangenheim tusagassiutitigut ima oqarpoq:

- Kalaallit arnarpassuit ukiuni qulikkuutaani nipaatsumik tigummiarsimasaat aqqusaarsimasaallu matumani uppernarsarneqarput, ukiunili kingullerni aatsaat saqqummersut. Maanna alloriaqqinneq pingaaruteqarluinnarpoq, oqaluttuarisaanikkut misissuisimaneq tunngavissaralugu suleriaqqissinnaanngoratta.
Suleriaqqinnissatsinni Naalakkersuisut pimoorussillutik arnat eqqugaasut tapersersorneqarnissaat qulakkeerniarlugu suleqataassapput. Naalakkersuisut dansk naalagaaffiallu oqallinneq nangeqqissavaat. Tamatumalu peqatigisaanik danskit naalakkersuisui akisussaaffimmik tigusiumaartut misissuinermi inerniliussat aalajangersimasumik iliuuseqarfiginissaannut, taamatullu danmarki oqaluttuarisaanitta ilaanik tigummiarneranik tassungalu akisussaaffimmut naapertuuttumik tigusinissaat naatsorsuuteqarfigaara, Anna Wangenheim oqarpoq.

Nalunaarusiaq uani atuarneqarsinnaavoq:
https://naalakkersuisut.gl/-/media/nyheder/2025/09/antikonceptionspraksis_i_kalaallit_nunaat_kal.pdf