Nanoq sermersuarmi ilisimatusartunut uippallertitsivoq

- Arfininngornermi ullaassakkut pingasut qaangilaaraa, suleqaterput anartarfiliarluni anillakkami nanoq misissuerujoortoq sumi tamaani misissuiartortut tammaarsimaffianni, Jens Jacob Simonsen  oqarpoq. 

AAMMA ATUARUK Nannunik qanillattortoqartarnera toqqissisimatsinngitsoq

Tamatuma kingorna ilisimatusartut misissuiffianniittut tamarmik itersarneqarput nanorlu qimaatinniarlugu  nipiliortoqaraluarpoq
tamannali iluatsissinnaasimanngitsoq Jens Jacob Simonsen oqaluttuarpoq. 
Nannumik takkuttoqarsimanera pillugu misissuiartut tamarmik itersarneqartut.
Ilisimatuut misissuiartotut najugaqarfigissaannit  300 meterisut ungasitsigisumi nanoq eqqaavissiortoq   naammattoorneqarpoq, 
Jens Jacob Simonsen sulinerminut atatillugu allaaseqartineqartoq illiniuutit atorlugit nanoq eqqaavissiortoq 
qanillattorpaat.   

AAMMA ATUARUK Piniarnermut nakkutilliisoq nannumit saassunneqangajalluinnartoq

- Nanoq 50 meterisut qanitsigisunngoriarlugu, ataasiaannaq  aallaavarput,  upillunilu, uppinnermi kingorna nikuippoq, 15 meterillu missaannik  pangaleriarluni toquvoq,  taamaalillunilu navianartorsiornerput unippoq, Jens Jacob Simonsen oqarpoq.

Sermersuaq pillugu ilisimatusartut nunanit assiginngitsunit aqqaneq marlunneersut 27-it tunup avannaarsuani tammaarsimaffimmiitut nannumik naammattoorsinerat toqutaaneralu attortissutigaaat. 

-Sermersuaq pillugu ilisimatusartut nannumik takugamik aallaaneqarnilu toqutaanera pillugu tupapput aamma ilanngui alisuttorujussuupput,  toqu ajaperlugulusooq taama pisoqarsinnaammat,  tassami sinerissamiit taama ungasitsigisumiikkaluarluta taama pisoqarsinnaammat, Jens Jacob Simonsen mekanikeritut sulisoq taama oqarpqo.  

Sermersuarmi ilisimatuussutsikkut misisuissut nittartagaanni allaaserineqartoq naaperlugu nanoq aallaaneqartariaqarsimavoq, nannup nerisinnaasai allat misissuivimmiit  hundrede kilometerisut ungasitsigisumiimmatta uteqqiattuartussaammallu. 

AAMMA ATUARUK Jan 56-inik ukioqartuusoq Uunartimi nannumik saassutsittoq