Piniarnermut nakkutilliisoq nannumit saassunneqangajalluinnartoq

Piniarnermut nakkutilliisoq nannumit saassunneqangajalluinarpoq, nanoq ullut tallimassaanik illoqarfimmut qanillattortoq, qimagutsinniaraluareerlugu. 

Nannup aallaallugu toqutaanissaanut ullut marlut sioqqullugit,  Ittoqqoortoormiini illut tungaannut ingerlasarsimavoq tamannalu pinaveersaartinniarlugu piniarnermut nakkutilliisoq ulluni marlunni akunnerit marluinnaat sinissimavoq. 

Piniarnermut nakkutilliisup nanoq pingasunngornermi ullaakkut arferngup qeqqata missaani silaannarmut eqqarluni qimaatikkaluarpaa, kisiannili nannup piniarnermut nakkutilliisup tungaanut aallarsarpoq. 

-  Nanoq illoqarfimmiit qimagutsinniarlugu snescooterinik sissap tungaanut ingerlavunga.  Kisianni nanoq utertuaannarpoq, naggataatigullu 20 meterisut qanitsigilarpara.  

Silaannarmut eqqarlunga nanoq qimagutsinniaraluarpara,  piniarnermut nakkutilliisoq oqaluttuarpoq. Nanoq  illunit 100-it 150 meterisut ungasitsigisumiilersimavoq.     

AAMMA ATUARUK Ittoqqortoormiini siku aserortersimasoq

Nannup aallaammik eqqarluni qimaatinniarneqaraluarnera iluatsinngilaq, killormut nanoq Erling Madsenip tungaanut aallarsarpoq, 

- Qorortooq immipallappara,  sakiaatigullu aallaallugu, Erling Madsen oqaluttuarpoq. 

- Nanoq aallaaneqarami tunummut niverpoq makeqqilluni kingornalu toquvoq. 

Piniarnermut nakkutilliisoq nannumit saassutingajalluinnarpoq aamma aatsaavissuaq nanoq taama qanigitsillugu misigaa.

 - Nannup taama sukkatigisumik  qanillilluinnarnerani eqqarsariarnissamut piffissaqanngilaq. Aallaallugulu toqunerata kingorna tupaqqavunga timera tamarmi sajuttuinnanngorluni, Erling Madsen taama oqaluttuarpoq.

 - Angerlarama sininniarsarigaluarpunga, qasukkarsinnaanngilangali,  ullaassakkut pisut pissanganartut tupannartullu eqqarsaatinniimmata,  Erling Madsen taama oqaluttuarpoq.  

Ittoqqortoormiini nannut inuillu imminnut aatsaat taama qanillattortiginngillat. 

Angut 56-nik ukiulik nunaqarfimmi inuerunnermi Uunartimi Ittoqqortoormiiniit syv kilometerisut ungasitsigisumiittumi  marsip qaammataani nannumit qaninngorneqarpoq.    

AAMMA ATUARUK Ittoqqortoormiit neruminneranit imarortoq

Erling Madsen oqaluttuarpoq, tamanna qaqutigoortorujussuusoq. 

- Ukiut qulit sinnerlugit nannunit saassussisoqarsimanngilaq.

Siku ukiormanna arlaleriarluni aakkarpoq, taassumalu sinaavaniikkajuttarput nannut, ukiormannalu sikuernera illoqarfimmut qanittuaraavoq, Erling Mads oqaluttuarpoq. 

Taamaannera Ittoqqortoormiormiunut toqqissisimananngilaq. 

-   Ittoqqortoormiormiut unnukkut silami angalanissaminnut toqqissisimanngillat aamma angajoqqat meeqqatik ullaakkut atuariartortinnissaannut annilaangasarput, Erling Madsen oqaluttuarpoq.   

Piniarnermut nakkutilliisoq Erling Madsen maanna politiinik isumaqatigiissuteqarpoq, tulliani nanoq Ittoqqortoormiinut qanillattorpat, Erling Madsenilu nanoq imaluunniit nannut illoqarfimmiit qimagutsinniarneqarnissaannut suliakkerneqarpat,  aappaqassasoq kisimiissanngitsorlu.  

AAMMA ATUARUK Jan 56-inik ukioqartuusoq Uunartimi nannumik saassutsittoq