Avatangiisit

ASSIT Ittoqqortoormiini siku aserortersimasoq

Ittoqqortoormiini innuttaasut sisamanngornermi ullaakkut iteramik naliginnaanngilluinnartumik takusaqarput. Sikumi aserortersimavoq, imarlu unerisimasimanngitsoq, Ittoqqortoormiineersoq Evald Simonsen KNR-imut taama oqarpoq.
Assi © : Erik Flemming Sanimuinaq Pedersen
Assi © : Erik Flemming Sanimuinaq Pedersen
Assi © : Erik Flemming Sanimuinaq Pedersen
Assi © : Erik Flemming Sanimuinaq Pedersen
Allattoq Kenneth Elkjær, Bikki P. Kleist
apriilip 01-at 2018 11:15

- Silaannaap allanngornera peqqutaasimassaaq, siku sinaa ungasinngikkaluarami aamma imatut anorlinngikkaluarpoq. Pisoq naliginnaanngilaq, Evald Simonsen oqarpoq.

Piffissalu taamaalinerani sikuusaraluarpoq. Marsimmi qaammataani sila aatsaat taamaalinngilaq. 
Ittoqqortoormiinimi pisarnermit neruminnerusimavoq - Siku aserortersimalluni. 

Silallu neruminnerulernera immikut aamma maluginiarneqarpoq. 

- Ilaana, malugaarput. Ukiakkut oktoberimi sikusaraluarami massakkut aatsaat immaqa november decemberimi sikusalerpoq. Tassa immaqa samani imartatsinni imaq unerisimanngimmat, Evald Simonsen oqarpoq.

AAMMA ATUARUK Ittoqqortoormiit neruminneranit imarortoq

Tallimanngornerullu unnuaani siku sikoqqissimasoq Evald Simonsen oqarpoq. 

 - Aap, takusinnaavarput sissa eqqaani siku aserorsimavoq kisianni qereqqilersimavoq imartaarussimavoq maani eqqatsinni, Evald Simonsen oqarpoq. 

Ittoqqortoormiinit assit KNR.gl-imi takuneqarsinnaapput.  

Ittoqqortoormiit aatsaat juulip naanerani umiarsuaqartarpoq.  

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk