- Soorunami inuk kinaluunniit tusindtilikkaanik akiliilluni akunnittarfimmut mattusimajartornavianngilaq, Ilulissani takornariartitsinermi siunnersuisooqatigiit siulittaasuat, Arne Niemann oqarpoq.Assi: Brønlund Ole

Ilulissani takornariartitsinermi siunnersuisoqatigiit: Mattusimalluni sulinngiffeqarluni angalarusuttoqarnavianngilaq

Nunatta juunip 15-iani ammaqqinneqarnissaa pillugu politikerit saqqummiinerat, Ilulissani takornariartitsinermi siunnersuisoqatigiivisa ilassilluarpallaanngilaat.

Nunarput avammut juunip 15-iani ammariartuaaqqissaaq. Politikkerit ammaaqqinnissamut ataasinngornermi saqqummiussaat, Ilulissani takornariartitsinermi siunnersuisoqatigiivisa kakkagivallaanngilai.

Takornarianik nunatsinnut tikittoqarsinnaannginnera takornarialersisut sivittajaamik ernummatigaat.

Nunattali maanna juunip 15-ani ammaqqinnissaa ullulerneqaraluartoq, takornarianik tikerartoqalernissaa suli takornariartitsinermut siunnersuisoqatigiit siulittaasuata takornarialerisuusup ilimaginngilaa.

Nunaniimmi allaniit tikittussat aallannginnerminimmi misiliummik tigusiffigineqarunik, nunatsinnut tikinnerminniit ullut tallimat qaangiuppata tigusiffigineqaqqittussaapput.

AAMMA ATUARUK Ulloq kiisami aalajangerneqarpoq: Nunarput juunip 15-iani ammaqqissaaq

Ullunilu tallimani mattusimanissaat piumasaqaataassalluni, aatsaallu ullup tallimassaani misissugaq coronaviruseqanngippat anisinnaanngussapput. Takornariallu taamaaliorusunnavianngitsut, Ilulissani takornariartitsinermi siunnersuisoqatigiinni siulittaasoq, Arne Nieman isumaqarpoq.

- Soorunami inuk kinaluunniit tusindtilikkaanik akiliilluni akunnittarfimmut mattusimajartornavianngilaq. Taamaammallu maanngartoqarnissaa ilimananngilaq, kinami ulluni tallimanik mattusimajartorusussagami? Piumasoqarnavianngilaq.

Nunatta ammaqqinneqarnissaanut ulluliineq siulittaasumit iluarisimaarneqaraluarluni, siusinnerusinnaanera kissaatigineqaraluarpoq.

AAMMA ATUARUK Naalakkersuisut Air Greenlandilu: Timmisartumut billetsit akikitsut utertinneqarsinnaalerput

- Soorunami ammaaqqinnissamut ulluliisoqarnera nuannaarutigaarput. Kisianni paasisinnaanngilarput sooq juunip aallaqqaataani ammaaqqinniannginnersut, sunalu pissutaalluni aatsaat juunip 15-ani ammaasoqassanersoq paasisinnaanngilarput.

Arne Niemannip oqarnera naapertorlugu Avannaata Kommunia kommuinini takornariaqarnermik inuussutissarsiorfiutuaasuni akuuvoq. Taamaammat inatsisinik sukaterisoqarneratigut Ilulissat immikkut eqqugaaqisoq, taanna oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat