Innuttaasut amerlasuut sioorapput. Taakku Danmarkimut nunanullu allanut angalanissamut pilersaarutigisatik tunillatsinnissamut aarlerinartoqarnera pissutigalugu kissaatigiunnaarpaat. Air Greenlandip innuttaasunut tusaaniarneranut atatillugu qujassuteqarusuppunga, Karl Frederik Danielsen oqarpoq.Assi: KNR, Anton Gundersen Lihn

Naalakkersuisut Air Greenlandilu: Timmisartumut billetsit akikitsut utertinneqarsinnaalerput

Air Greenlandip Namminersorlutik Oqartussallu timmisartumut billetsit akikitsut utertinneqarsinnaanngortinnissaat isumaqatigiissutigaat.

Naqqiut: Air Greenlandip billetsinik akikitsunik utertitsinerani amigartooruteqartoqassappat tamanna Namminersorlutik Oqartussanit akilerneqassasoq, naalakkersuisoq Karl Frederik Danielsen oqartoq allaatigisami siusinnerusukkut allapparput. Tamannali eqqunngilaq. Air Greenlandip tamatumunnga atatillugu aningaasartuutit nammineq akilissavai.

Air Greenlandimit timmisartumut billetsit killiligaasut tallimanngorneq maajip ulluisa 22-annit utertissinnaalissavat. Aamma naak akikinnermik pisisimagaluarlutit angalanissat allanngortissanerlugu aalajangersinnaavat.

Tassa imaappoq atlantikoq qulaallugu juunip aallaqqaataanit aggustip 31-anut angalanissat utertinneqarsinnaallunilu ullumut allamut nuutsinneqarsinnaavoq.

Angalanissap piffissaa ukioq manna novembarip ulluisa 30-ata tungaanut allanngortinneqarsinnaavoq.

Billetsit uku utertinneqarsinnaalerlutillu allanngortinneqarsinnaalerput:
 

  • Takuss billetsit. 
  • Billetsit killiligaasut. 

Angallannermut naalakkersuisoq, Karl Frederik Danielsen (S) Air Greenlandilu taama nalunaaruteqarput.

AAMMA ATUARUK Namminersorlutik Oqartussat Air Greenlandilu bilitsinut akikitsunut akiliutinik utertitsisinnaaneq oqaluuserisimagaat

Taamaalilluni nunatsinni timmisartuussivimmit timmisartukkut angalanissamut akikinnerpaanik pisisimasut tamarmik aasaanerani angalanissaminnut pisisimasut akimik maanna utertitsisinnaalerput. Danmarkimut nunamulluunniit allamut angalanissaminnut coronap ajornartorsiortitsinerata kingunerisaanik siooragunik aamma angalanissaminnik allanngortitsisinnaapput.

Air Greenlandip tamanna maannamut itigartitsissutigisimagaluarpaa.

Takuss-billetsinut 10.000 koruuninik atugaqartut

Timmisartukkut angalanissamut 10.000 koruuninik atuisimasut pillugit nutaarsiassat qassiiusut knr.gl-ikkut sapaatip-akunnerini kingullerni saqqummersinneqarput. Angalanissamut siooralersimasut billettinik akikitsunik utertitsisinnaannginnermut malittarisassat Air Greenlandip attatiinnaraluarpai – malittarisassammi taamaapput. Aamma naak billetsit siumut ilisimaneqarsimanngitsumik coronap ajornartorsiortitsilinnginneranili pisiarineqarsimagaluartut.

Billetsinulli akikitsunut maanna allannguisoqarpoq.

- Angalanissap kinguartinneqarsinnaanissaa aningaasallu utertinneqarsinnaanissaat Air Greenlandilu isumaqatigiissutigaarput. Air Greenlandimut saaffiginnittoqarsinnaavoq. Taakku tallimanngorneq, maajip ulluisa 22-anni piariissapput, Karl Frederik Danielsen KNR-imut oqarpoq.

Air Greenlandip innuttaasunut tusaaniarneranut atatillugu qujassuteqarusuppunga, Karl Frederik Danielsen oqarpoq.

- Innuttaasut amerlasuut sioorapput. Taakku Danmarkimut nunanullu allanut angalanissamut pilersaarutigisatik tunillatsinnissamut aarlerinartoqarnera pissutigalugu kissaatigiunnaarpaat. Air Greenlandip innuttaasunut tusaaniarneranut atatillugu qujassuteqarusuppunga, Karl Frederik Danielsen oqarpoq.

AAMMA ATUARUK Billetsit akikitsut utertitassaanngillat: Air Greenland uumitsannaq

Air Greenland aamma taama oqariartuuteqarpoq:

- Pisisartutta Covid-19-imut atatillugu nalaataat immikkut illuinnartuummat taamaaliorpugut, Air Greenland ataasinngornermi ualikkut taama nalunaaruteqarpoq.

- Amerlasuut Covid-19-ip kingunerisaanik ajornakusoorluinnartut takuavut, tamanna paasisinnaalluinnarparput. Taamaammat Namminersorlutik Oqartussallu atlantikoq qulaallugu timmisartuussiinnartoqarnissaanut isumaqatigiissuteqarnerput nuannaarutigaara, timmisartuutileqatigiiffiup pisortaanera, Jacob Nitter Sørensen oqarpoq.

Nunatta killeqarfiinik juunip ulluisa aallaqqaataanni maanna ammaasoqartussaarpasippoq. Nunatsinnit qanittumi angalasoqarsinnaaleqqippoq, taamaaliornissamullu nunatsinnut isersinnaaqqinnissamut Namminersorlutik Oqartussanit akuersissuteqarfigineqaqqaarnissaq pisariaqarpoq.

Juunip ulluisa aallaqqaataannit sapaatip-akunneranut tassa marlunngornikkut, sisamanngornikkut tallimanngornikkullu atlantikoq qulaallugu ikinnerpaamik pingasoriarluni timmisartuussisoqartassaaq.

AAMMA ATUARUK Under een procent smittet i Danmark: Genåbning kan ske hurtigt, mener politikere

Nunatta ammaqqinnissaa Naalakkersuisut siulittaasuata, Kim Kielsenip sapaatip-akunnerata siuliani ullulerusunngilaa. Tamanna Inatsisartuni oqallisigineqqaassasoq, oqaatigaa. Politikerillu aqagu marlunngornermi tamatumanik oqallisiginnissapput.

  • Bilitsinut nutaanut ”Standard”-inut aamma ”Premium”-inut allannguisinnaalissapput.
  • Allannguinernut atatillugu akitsuutinik akiliisitsoqassanngilaq, kisiannili bilitsinut nutaanut allannguinermi akit nikingassutigisinnaasaat akilersinneqassapput.. 
  • Ullormik angalaffiusussamik allannguineq bilitsisinermi angallavissamut atuutissaaq. Angallavimmi allami angalanissaq kissaatigineqarpat bilitsi utertinneqassaaq.

 

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 7448
  Tunillanneqarsimasut 14
  Peqqisseqqittutut nalunaarutigineqartut 14
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Pissarsivik: nun.gl
  Nutarterneqarpoq
  septembarip 18-iat 2020 nal. 10:45