IMAK: Ilinniartitsisut ilaserineqarlik
- Isumalluarnarsinnaavoq, imarisaa pissanganartorujussuuvoq aamma isumassarsiatsialaavoq. Kisianni suliamut tassunga ilaatinneqarnissaq kissaatiginartorujussuuvoq pissutigalugu meeqqat atuarfianni ilinniartitsisunut tunngaqqissaarmat, IMAK-ip siulittaasua Birthe Møller Therkelsen oqarpoq.
AAMMA ATUARUK Kommunit tamarmik meeqqat atuarfiat pillugu suleqatigiinniartut
Kommunit tallimaasut suleqatigiinnermikkut meeqqat atuarfiat ukiuni tulliuttuni tallimani qaffassarniarpaat.
Assersuutigalugu IT-mik atuinerulernikkut nutaamik ilinniartitseriaaseqalerneq anguniarpaat.
Meeqqat atuarfiat soqutigineqaqisoq malugisinnaagitsik siulittaasup oqaatigaa.
Ilinniartitsisulli ilaserineqarnissaat ujartorpaat.
AAMMA ATUARUK Meeqqat atuarfiat pillugu suleqatigiinniarnerat pitsaalluinnarpoq
- Siornatigut taakkua suliassat assigiinngitsut qulaaninngaanniit aallartinneqartarput, ilinniartitsisut qanoq isumaqarnersut tusaaniarneqaqqaarnatik. Uani aamma takoqqipparput. Inerisagassat meeqqat atuarfiannut tunngasut suliakkiissutigineqarput ilinniartitsisullu qanoq isumaqarnersut tusarnagit.
Kattuffimmimi ilaasortat 1.296-iupput taakkulu pilersaarusiamut isummernissaminnik periarfissaqartariaqartut, siulittaasoq oqarpoq.
AAMMA ATUARUK Tuluit oqaasiisa sallinngortinneqarnissaannut eqqarsaatigisassarpassuaqarpoq
Taamaammat pilersaarusiap ilusilersornera paasisaqarfigineruniarlugu IMAK-ip aaqqissuisut sapaatip akunnerani matumani naapeqatigilerpai.
- Apeqqutit assigiinngitsut takkussuukkamik. Pilersaarut una qanoruna isikkoqartoq? Naammasseriigaava ilinniartitsisunullu agguaassassaalluni? Imaluunniit ilinniartitsisut aamma peqataatinneqarpat?
IMAK-ip siulittaasua Birthe Møller Therkelsen taama oqarpoq.