IMAK: Tuluit oqaasiisa sallinngortinneqarnissaannut eqqarsaatigisassarpassuaqarpoq

- Uku eqqarsaatiginarput, tuluit oqaasiinik ilinniartitsisinnaasut ullumikkut amigaatigisorujussuuagut, ingammik atuarfeqarfinni avinngarusimanerusuni. Taamaammat inerisagassarujussuuvoq, tuluit oqaasiinik sallinngortitsiniarneq, Birthe Møller Therkelsen oqarpoq.

AAMMA ATUARUK Tuluit oqaasii nunatsinni takornartat oqaasiini salliutinneqassapput

Naalakkersuisoqatigiit tuluit oqaasiinik takornartat oqaasiini sallinngortitsinermik anguniagaqarnerisa piviusunngortinneqarnissaanut eqqarsaatigisassarpassuaqartoq, IMAK-ip siulittaasua isumaqarpoq.

- Qallunaatut atuartitseriaatsimut amigaateqareerluta aamma tuluit oqaasiinik atuakkat amigaataasimassasut takorloorneqarsinnaavoq, IMAK-ip siulittaasua oqarpoq, nangillunilu.

- Tuluit oqaasiinik ilinniartitsisut amigaatigeriikkagut tamaavissuarmik atuartitsissutiliussappat, imaluunniit sineriamukassappat? Tassani eqqarsaaterpassuit pilersinneqarput, Birthe Møller Therkelsen oqarpoq.

AAMMA ATUARUK Naalakkersuisooqatigiit tuluit oqaasii pillugit pilersaarutaat Venstremit isorineqartut

Aamma tuluit oqaasiisa takornartat oqaasiini sallinngortinneqarnissaasa sunniutigisinnaasai pillugit allaqqasoqannginnera malugaa.

Tuluit oqaasiisa nunap inoqqaavisa oqaasiinik nungusaataasartutut ilisimatuunit tusaamanerlunneqarnerat Birthe Møller Therkelsenip erseqqissaatigaa.

- Ilisimatuut oqaatsit pillugit nalilersuutaat uani maqaasivara.

AAMMA ATUARUK Tuluit oqaasiisa piorsarsimassuserput sunnissavaat

Tuluilli oqaasiisa takornartat oqaasiini ilinniarneqarsinnaasuni sallinngortinneqarnissaasa sulissutigineqarnissaa isumaqatigiissummi allaqqasoq Birthe Møller Therkelsenip aamma maluginiarpaa.

- Naalakkersuisoqatigiit isumaqatigiissutaat ima paasivarput, tungaanut suliarineqassasoq. Tuluit oqaasiisa aqagunnguaq aqaguagunnguarluunniit sallinngortinneqarnissaat takorluunngilara. Imaappoq, suliarineqassaaq, IMAK-ip siulittaasua, Birthe Møller Therkelsen oqarpoq.

AAMMA ATUARUK Atuarfiit 1. klassimit tuluttut atuartitsisalernissaq 'all ready'-raat

AAMMA ATUARUK Hvad skal erstattes af engelsk?

AAMMA ATUARUK Sermersuumi atuartut 1. klassimit tuluttut ilinniartinneqartalissasut

AAMMA ATUARUK Siumup IA-llu tuluit oqaasii itigartitsissutigigaat