Atuarfiit 1. klassimit tuluttut atuartitsisalernissaq 'all ready'-raat
Ilinniartitsisulli kattuffiata IMAK-ip ilisimatinneqarsimannginnera Kommuneqarfik Sermersuumit atuarfinniillu paatsuungassutigineqarpoq.
Ilinniartitsisut atuartunngorlaanut tuluttut atuartitsisarlernissaat ilinniartitsisut ilisimatissimallugit, Ittoqqortoormiini atuarfimmi pisortap Torbjørn Ydegaardip KNR-mut ullumi mailikkut erseqqissaassutigaa.
Ilangullugulu erseqqissaatigaa atualerlaanut tuluttut ilinniartitsisalernissamut tunngatillugu pikkorissaasoqarumaartoq.
AAMMA ATUARUK Oqaatsinik ilinniarnissaq pingaaruteqarpoq
Illoqarfiit piareeqqarput
Nuummi tamanna aamma piareersimaffigineqartoq oqaatigineqarpoq, tassa aggustimiit 1,2,3 klassenut atuartitsisarneq akunnermik ataatsimik sivisunerulersininneqassammat.
Paamiuni siornali atualerlaanut tuluttut misiligutaasumik ilinniartitsisarneq aggutimiilli ingerlanneqarpoq.
AAMMA ATUARUK Hvad skal erstattes af engelsk?
Fagit allat akornuserneqarnavianngillat
Tuluttoortitsinermi nalunaaquttap akunnerani ataatsimik faginit allanit ilanngaatiginissaanik IMAK-imit ernumassutigineqartoq atuarfiit tunngavissaqqarsoringilaat, nukarlerni atuartut atuartarnerat nalunaaquttap akunneranik ataatsimik ilaneqarnissaat pineqarmat.
KNR-miit Tasiilami alivarpimmi pisortaq attaveqarfigigaluarparput atualerlaanut tuluttut ilinniartitsisussaqarnersoq aperiniarluta taassumali atuarfeqarnermut immikkoortortaqarfimmi qullersamut innersuussivoq.
- Illoqarfinni Nuummi Paamiunilu ilinniartitsisut ilinniarsimasut pigaagut, nunaqarfinnilu aamma ilinniarsimasunik ilinniartitsisussaqarluta, Jesper Madsen taama oqarpoq.
AAMMA ATUARUK Sermersuumi atuartut 1. klassimit tuluttut ilinniartinneqartalissasut
