Naalakkersuisooqatigiilersut: Tuluit oqaasii nunatsinni takornartat oqaasiini salliutinneqassapput

Meeqqat atuarfiini atuartut amerlanerpaarpaat kalaallisut, danskisut tuluttullu ullumikkut ilinniartinneqartarput. Tuluit oqaasii takornartat oqaasiini pingaarnerusunit tassa danskit oqaasiinit pingaarnerusumik siunissami inissisimalissasut, naalakkersuisooqatigiinnissamut isumaqatigiissummi Nunatta Qitornaasa, Siumut, Atassutip Partii Naleqqallu atsioqqammigaanni allassimavoq.

- Naalakkersuisooqatigiit anguniarpaat Naalagaaffiit Peqatigiit meeqqat pisinnaatitaaffiinik oqariartuuteqarnerat atuarfimmi pinngitsoorani atuartitsissutigineqartariaqartoq. Nunarsuarmioqataanittalu annertusiartuinnartup oqaatsitigut eqaallisaasoqartariaqarneranik kinguneqartoq eqqarsaatigalugu, tuluit oqaasii allamiut oqaasiinit salliutinneqarlutik, meeqqat atuarfiini ilinniarneqalernissaat naalakkersuisooqatigiit anguniarpaat, partiit isumaqatigiissummi allapput.

AAMMA ATUARUK Hvad skal erstattes af engelsk?

Partiilli isumaqatigiissuteqartut oqaatsit pingasut tamarmik qaffassarnissaat aamma angorusuppaat.

- Naalakkersuisooqatigiit anguniarpaat, atuartut kalaallisut, qallunaatut tuluttullu angusaasa qaffassarnissaat tamanna anguneqassaaq.

AAMMA ATUARUK Siumup IA-llu tuluit oqaasii itigartitsissutigigaat

AAMMA ATUARUK Sermersuumi atuartut 1. klassimit tuluttut ilinniartinneqartalissasut