Assi: Venstre

Naalakkersuisooqatigiit tuluit oqaasii pillugit pilersaarutaat Venstremit isorineqartut

Tuluit oqaasiisa takornartat oqaasiisut sallersanngortinneqarnissaannik naalakkersuisooqatigiilersut sulissuteqarniarnerat Venstrep Kalaallit Nunaannut tunngasunut oqaaseqartartuanit Marcus Knuthimit isornartorsiorneqarpoq. Tamatumunngalu peqatigitillugu kalaallit Danmarkimiittut danskisut ilinniartarnerisa nammineerluni akiliuteqarnikkut pisalernissaa Venstrep siunnersuutigaa.

Politikerip Venstremeersup Marcus Knuthip nunatsinni naalakkersuisooqatigiilersut isumaqatigiissutiminni tuluit oqaasiisa takornartat oqaasiisut sallersanngortinneqarnissaannik sulissuteqarniarnerat ajuusaarnartuunerarpaa.

- Danskit oqaasiisa Kalaallit Nunaanni kingullinngortinnerisigut kalaallit inuusuttorpassuit qaffasinnerusumik ilinniagaqarnissamik takorluugaqarlutillu neriuuteqarnerat aamma kingullinngortinneqassaaq. Kalaallit Nunaanni inatsisartut kissaatigisaat ataqqiuaannartussaavagut, qujageqqusaarnerulli namminiilivinnissallu aqqani kalaallit Danmarkimi ilinniarnissaminnut periarfissaannik mattunniarneqarnerat naleqqutinngilluinnarpoq, politikeri taama allappoq.
 
Venstrep Kalaallit Nunaannut tunngasunut oqaaseqartartua naapertorlugu danskit oqaasiisa qimakkiartornerisigut 'Naalagaaffeqatigiinnitsinni tunngaviit ilaat sanngiillisinneqassaaq'.
 
Venstrelli taamatut isornartorsiunera Danmarkimi allamiut inersimasut danskit oqaasiinik ilinniartarnerisa nammineq akilerneqartalernissaanik siunnersuutip Folketingimi ullumi siullermeerneqarnissaata peqatigisaanik saqqummiunneqarpoq.

AAMMA ATUARUK Danskit oqaasiinik ilinninernermut akiliisarnissaq akerlerineqaqisoq

Siunnersuummut kalaallit savalimmiormiullu aamma ilaatinneqarput, Venstrellu allamiunut akuulersitsiniarnermullu ministerianit Inger Støjbergimit siunnersuutaalluni.

AAMMA ATUARUK Danskisut ilinniarsinnaanermut akiliisalertoqassappat kalaallinut eqquinerlussinnaavoq

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat