Ikualap katersuiniarnera tapersersorneqarluarpoq
Katersuiniarnermut atatillugu Facebookimi akitsorterussisoqarpoq -https://www.facebook.com/IkualaAkitsorterussineq?fref=ts - tassanilu ilaatigut makku akitsorterussissutigineqarlutik:
Qalipakkat, pinnersaatit, aquuteralak, atisat paintballimik unamminissaq allarpassuillu.
- Neriuppugut nuannarineqarluarumaartut. Akitsorterunneqartut tamaasa akeqanngitsumik tunissutaapput - isertitallu tamaasa ilanngarnagit Ikualamut nakkartinneqassallutik. Akitsorterinerit tamarmik maajip 31-iani naammassissapput, KNR-ikkut katersuiniarnerup ingerlanneqarnerani aatsaat naammassissallutik, Anna Karina Madsen, Ikualamik aallartisaaqataasoq tusagassiutilerisorlu KNR.gl-imut oqarpoq.