Great Greenlandip puisit amii amerlanerusut pissarsiariniarai

Aminik tunisineq annikilliartuinnarpoq. Great Greenlandillu ammit amerlanerusut pissarsiariniarlugit nutaamik suliniuteqartoq, ammeriviup pisortaata, Ditte Sorknæsip oqaatigaa.

- Ammit tunineqartut ikiliartuinnartut piniartullu isertitaat apparaluttuinnartut uniinnarluta isigiinnarsinnaanngilagut, Sorknæs oqarpoq.

AAMMA ATUARUK Great Greenland umiarsualiiniartoq

Misiliutaasoq iluatsissappat tunitsiviit amerlanerusut 2018-imi atorneqarsinnaapput.

- Piniartut arlallit piniartullu peqatigiiffiata umiarsuit tunitsiviit aaqqiissutaasinnaasut oqaatigisimavaat sineriammummi ungasinnerusumukarsinnaassammata, taamaammat kujataani maannakkut misiliivugut, Ditte Sorknæs oqarpoq.

Ammeriviup umiarsuaq LK Larsen II sapaatini akunnerni sisamani attartorpaa. Umiarsuaq Qaqortumiit Nanortaliliarluni marlunngorpat aallassaaq. Tamatuma kingorna puiseqarfiunerpaat tungaannut ingerlaassaaq. Piniartut puisi tamaat amiiluunniit orsoqarfianngitsut tunisinnaagaat suliffeqarfik paasissutissiivoq.

AAMMA ATUARUK Puisit amii tunineqartartut ikiliartortut

AAMMA ATUARUK Bedre fiskeri betyder færre sælskind

AAMMA ATUARUK Puisip amia aappilarujuttoq X Factorimi soqutigineqarluartoq