Inuussutissarsiutit

Great Greenland umiarsualiiniartoq

Puisit amiinik 2016-imi tunisat ikippallaaqaat, Great Greenland taama isumaqarpoq. Taamaammat ammerivik tunisassiassaminik amerlanerusunik maanna pissarsiniartussanngorpoq.
Allattoq Jørgen Semionsen
juunip 19-at 2017 08:17
Nutserisoq Simon Uldum -

Uumasunik miluumasunik 2016-imi tunisat naatsorsorneqarnerat Naatsorsueqqissaartarfiup sisamanngormat saqqummiuppai. Puisillu amiinik tunisat 2013-imi tunisanut naleqqiullugit ikileriarujussuarsimasut naatsorsukkani atuarneqarsinnaavoq.

AAMMA ATUARUK Bedre fiskeri betyder færre sælskind

Piniartullu puisinniaratik saarullinnik qaleralinnillu aalisarusunnerunerat Great Greenlandip tunisassiorneranut sunniuteqarpoq. Puisillu amiinik amerlanerusunik pissarsinissamut ammerivik allaanerusumik maanna iliornialertoq, tunisinermut pisortaq Preben Møller KNR-imut taama oqarpoq.

- Puisit amiinik tunisat ikiliartornerat pissutigalugu tunitsivissamik umiarsuliiniarpugut, umiarsuarmillu attartornissamik maanna isumaqatigiissuteqarnissaq sulissutigileruttorparput, tunisinermut pisortaq oqarpoq.

Umiarsuaq tunitsivissaq Qaqortup eqqaani aasaanerani misiligutaasumik atorneqaqqaarallassaaq.

2013-imi puisit amiinik tunisat 50.000-it sinnerpaat, siornalu 33.000-it sinnilaaginnarlugit tunineqarsimallutik.

AAMMA ATUARUK Puisit amii tunineqartartut ikiliartortut

 

 

Aamma atuaruk

Inuussutissarsiutit

Issittumi umiarsuit sorsuutit marluk ukiuni 15-ini qamutilittarsinnaanngitsut

Politiit ullormut nalunaarusiaat: Tillinniartoqarlunilu tillinniariaraluartoqarpoq