Demokraatit ikiliartorput
Demokraatit partiianni ajornartorsiorneq annikkillerianngilaq. Demokraatit Maniitsumi ilaasortaatitaat Ib Goldbach, partiimit ilaasortaajunnaarnerata nalunaarutigineqarnerata kinguninngua, Kangi-Kitaani kommuunimut qinigaaqqammersup Jonny Hansen-ip Nuummeersup Demokraatinit ilaasortaajunnaarnini ullup qeqqata siorna aamma nalunaarutigaa. Siulersuisuni ilaasortat marluk partiimit ilaasortatut anisitaanerisa kinguninngua demokraatinit ilaasortaajunnaarpunga, Jonny Hansen radiaoviisiimut oqarpoq.
- Demokraatini aaqqiagiinnginneq akerleralugu partiimi ilaasortaajunnaarpunga. Entreprenøritut suliaqartuuvunga suliffigisannilu isumaqatigiissutigineqartut ilumoorunneqarnissaat pingaaruteqarput. Kangia-Kitaani kommuninngortussami suleqatigiinnissamut isumaqatigiittoqarnerata kinguninngua siulersuiusuini ilaasortat anisitaanerat ileqqorissaarnerunngilaq, Jonny Hansen oqarpoq.
Demokraatini illuatungeriit siulittaasunngorniunnerannut Jonny Hansen akulerunnianngilaq. Jonny Hansen Demokraatinit ilaasortaajunnaarnermi kingorna taasisoqartillugu Inuit Ataqatigiinnik suleqateqarnissamik isumaqatigiissuteqarpoq, taamaalilluni Jonny Jensen ikaarsaariarnermi ataatsimiititaliami ilaasortaaffigisani ilaasortaaffigiinnassavai.
