Partiit arfineq-marluk, apeqqutit marluk: Demokraatit
Nunatsinni massakkut suna unammillernarnerpaava?
Demokraatit isaannit isigalugu Nunatsinni unammilligassatta annerpaartaraa ukiuni 40-gajanngulersuni partiinit saamerlernit siuttuuffigineqarsimanerput, tamanna nunatta sannaatigut aamma takusinnaavarput - tassani saamerliit pingaartitaasa siunertai atorlugit inuiaqatigiittut inooriaaserput pisortallu ilusaatigut malunnaateqarpoq, Randi Vestergaard Evaldsen oqarpoq nangillunilu:
- Tamanna ilaatigut isumaqarsimavoq, innuttaasut inuussutissarsiortullu annertuumik kiffaanngissusiiagaasimanerat akisussaaffiiagaasimanerallu - tamannalu isumaqarpoq, ineriartortitsisinnaanissaraluaq minnerpaaffianiittoq, allaanngilaq inuup inuunerata inuiaqatigiinnit aqunneqarnissaa naatsorsuuteqarnikkut pilersitsisoqarsimasoq.
AAMMA ATUARUK Atassut
KNR-ip qinersinissatta tungaanut apeqqutit marluk partiinut akeqquniarpai:
Nunatsinni ajornartorsiutit annersaat suua?
Qanoq aaqqinniarpisiuk?
Partiit akissutaat KNR-ip qinersinissaq pillugu quppernerani #IQ2018-imi atuarsinnaavatit.
Tamanna Demokraatiniit qanoq iliuuseqarfigineqarfiginiarpisiuk?
- Kissaatigisatta annerpaartaraa kiffaanngissuseq akisussaaffillu inuiaqatigiinnut uterteqqinneqarnissaat, allaffissornerujussuaq massakkut atuuttoq annikillerusupparput, ilaatigut inatsisit atuutsinneqartut kiffaanngissusermik killiliisut misissoqqissaarusuppavut aamma liberaliusumik eqqarsarnerusumik aqutsisoqalerneratigut aamma inuiaqatigiit akisussaaffimmik tigusisinnaanerat - kiffaanngissusermillu tunineqarnerat annertusineqarsinnaavoq, Demokraatini siulittaasoq oqarpoq nangillunilu:
- Demokraatinit aamma siuttuuffigerusupparput - inuit suliffeqarfiillu namminneerlutik aalajangiisinnaassusaat annertunerpaaffianiitinnissaat peqataaffigerusullutigu, Randi Vestergaard Evaldsen oqarpoq.
Partiini arfineq-marluusuni partii alla aqagu apeqqummut akissuteqartissavarput.
AAMMA ATUARUK Inuit Ataqatigiit
AAMMA ATUARUK Suleqatigiissitsisut