Partiit arfineq-marluk, apeqqutit marluk: Atassut
Nunatsinni maanna suna unammillernarnerpaanersoq, Atassutip siulittaasua Siverth K. Heilmanni aperigatsinni ima akivoq:
- Sulisoqarniarnikkut nunatsinni suliffissaaleqisoqaraluartoq taanna ajornartorsiutigaarput qaangertariaqarlugulu piaarnerpaamik. Taavalu ineqarniarnermut tunngassuteqartut nunatsinni illoqarfinni nunaqarfinnilu iluarsagassat, nutaanillu sanaartornerup aningaasaliiffigineqarnerunissaa pingaarutilerujussuartut inissisimavoq, tassani sulisut tikittartut allallu tamarmik inissaqartinneqassappata.
KNR-ip qinersinissatta tungaanut apeqqutit marluk partiinut akeqquniarpai:
Nunatsinni ajornartorsiutit annersaat suua?
Qanoq aaqqinniarpisiuk?
Partiit akissutaat KNR-ip qinersinissaq pillugu quppernerani #IQ2018-imi atuarsinnaavatit.
AAMMA ATUARUK Suleqatigiissitsisut
Taava ilissi Atassumminngaanniit qanoq iliuuseqarfigisinnaavisiuk?
- Aningaasaliinerunikkut tassa ajornartorsiutit qangalili utikulunneqartuartut eqqumaffigaagut. Qaangissagutsigit politikkikkut isumaqatigiinnikkut tamakku anguneqarsinnaapput aningaasaliinerunikkullu.
- Suliffissaaleqisut atorluarnerunissaat, soorlu taakku fabrikkini eqqartorneqartorujussuit oqaatigiuakkakka, kineserinillu tikisitsisarnerup imminnut ataqatigiinnginnerujussuit tassani eqqarsaatigineruakka. Aningaasarsiornikkut isaatitsinerujussuusinnaavugut tikisitsiinnarnerminngarnit, Siverth K. Heilmanni oqarpoq.
Partiini arfineq-marluusuni alla aqagu sisamanngornermi apeqqummut akissuteqartissavagut.
AAMMA ATUARUK Inuit Ataqatigiit
