Allaatigisaq: Danskit Kinamik ernumassuteqarnerat naalagaaffeqatigiinnut ajoqusiivoq
![](/sites/default/files/styles/image_934x467/public/nuuk_lufthavn_cowi_1.png?itok=yXtTUCka)
Siorarsiorfimmi - Nuuk City Developmentimi - pisortaaneq naalakkersuisuusimasorlu Jens B. Frederiksen aamma Ulrik Tarp Jensen Beijing Universitymi ilinniarsimasoq taama isumaqarput.
AAMMA ATUARUK Kinap Danmarkimi aallartitaa nunatsiippoq
Taakku aviisimi Politikenimi allaatigisaminni danskit ministeriisa Kinamiut Afrikami Asiallu kujataani nunani aningaasalersuinerat nunatsinni attaveqarnermut aningaasalersuinissamut assersuussinerat Kinap mittarfiliortiternissamut soqutiginninneranik paatsuuinerunerarpaat.
Kinamiummi ingerlatseqatigiiffiisa niuerluarnissartik siullertut soqutigisaraat. Aamma Nunatsinnut tunngatillugu sillimaniarnermut politikkip Danmarkimit akisussaaffigineqarnera ILISIMAVAAT, allaatiginnittut erseqqissaapput.
AAMMA ATUARUK Kinap soqutiginninneranut ernumaneq ingattarserneruvoq
Taamaammat Kinamiut nunatsinnik soqutiginninnerisa politikkikkut pissaaneqarnikkut soqutigisanik pissuteqarnissaanik danskit naalakkersuisuisa ernumassuteqarnerat kukkuneruvoq, taamatullu aamma Kalaallit Nunaata siuariartornissaanut ineriartornissaanullu akornutaalluni, Jens B. Frederiksen aamma Ulrik Tarp Jensen allapput.
- Ministeriunerup illersornissamullu ministerip aningaasarsiornikkut ineriartornermik sillimaniarnikkullu politikkimik akuleriissitsinerat Naalagaaffeqatigiit aaqqissugaanerannut aserorsaataallunilu ulorianarluinnartuuvoq. Avissaartinniarsigik! taama allapput.
AAMMA ATUARUK Kalaallit Nunaata Kina paarissavaa
AAMMA ATUARUK Qularnerup aningaasaliisartut peqataajumajunnaarsissinnaavai