Binzer Palle-lu akerleriisillugit
- Tamanna uanga aliatsaatigaara, Air Greenlandimi pisortaq Michael Binzer oqarpoq.
- Isumaqarpunga Air Greenlandip sakkortoorujussuarmik akerlilerniarsarigaatigut. Kisianni uagut oqarnikuuvugut, orniginartumik neqerooruteqartoqassasoq, unammilleqatigiineq naapertorlugu eqaanerusumik niueqatigiinneq ingerlanneqassappat.
Tusagassiortut Air Greenlandimut illersuipput, aningaasaqarnermut Naalakkersuisoq Palle Christiansen oqarpoq.
- Air Greenlandimit oqaatigineqartut tamaasa ilumoortuusorivasi, uagullu oqatsivut upperinagit. Air Greenland maanna inuiaqatigiinnut tatigeqqusaarpoq, tassami aamma Air Greenland maanna kisimi tusarniarneqarmat.
Air Greenlandimi pisortap, aningaasaqarnermut Naalakkersuisoq ima akivaa.
- Ajuusaarutigaara una pisoq taamak qisuariarfigineqarmat, atuisutsinnit pingaartumik, piginneqataasutsinnillu, taama oqarpoq Michael Binzer.
Air Greenlandip kisermaasillutik, Kalaallit Nunaanni angalatitsisarnertik atornerluppaat, aningaasaqarnermut Naalakkersuisoq Palle Christiansen oqapoq.
- Unammilleqatigiinnermi akikillisaasoqartarpoq, Air Greenland nunarsuarmi kisiartaalluni unammillerneqaramik akitsuipput. Periuseq taana Air Greenlandimit qimanneqartariaqarpoq, takutiinnarpaammi kisermaassilluni angalatitsineq qanoq ittuunersoq.
Tamanna pillugu Michael Binzer ima akivoq.
- Palle Christiansenip oqaatini nammineq akisussaaffigai, uagut Air Greenlandimi ingelatseriaaserput pillugu kisimi oqaaseqarsinnaavunga.