Per Berthelsen: ataatsimiititaliarsuup ataatsimiinnera eqqissisimasumik pivoq
apriilip 18-at 2007 12:53
Namminersorneq Pillugu Ataatsimiitsitaliarsuup Kalaallit Nunaannik piginnittussaatitaanermik apeqqut pillugu innersuussut tigulluarpaat.
Taama oqarpoq Demokraatit sinnerlugit Namminersorneq Pillugu Ataatsimiitsitaliarsuarmi ilaasortaq Per Berthelsen. -Kiisami sivisuuumik ilaatigullu unittoorfiusarsimasoq suliarisimasarput naammassillugu tunniupparput, innersuussutip imai iluarisimaarneqarluarput. Allaat ataatsimeeqataasut innersuussut pattaappaat, Per Berthelsen oqarpoq.
Kalaallit peqataatitaat tamarmik sisamaasut danskillu peqataatitaanit sisamaasunit pingasut innersuussumik isumaqataapput. Dansk Folkepartimeersup Søren Espersenip akerliunini allakkatigut nalunaarutiginiarlugu oqaatigaa.
