Assit: Ilulissani akunnittarfiup ikuallannerata aqaguani

Akunnittarfik sanaartorlugu suli naammassineqanngilaq. Ikuallattoqarneranut pissutaasoq politiit misissuleruttorpaat.
Akunnittarfissap quleriiaani qullermi sanasut neriniartarfiliorfigisaanni ikuallappoq. Assi © : Edvard Johansen
Akunnittarfissap quleriiaani qullermi sanasut neriniartarfiliorfigisaanni ikuallappoq. Assi © : Inunnguaq Guldager
Akunnittarfissap quleriiaani qullermi sanasut neriniartarfiliorfigisaanni ikuallappoq. Assi © : Inunnguaq Guldager
Gassi puiaasaq ikuallattoqarnerani qaarpoq, tamannalu illoqarfimmit tusaaneqarsinnaalluni. Assi © : Ane Olsen
Sanaartukkami qullerpaami inerujussuaqarpoq, inimilu tassani kissartorujussuanngorpoq. Ikuallannera inip sinneranut sukkasuumik siaruaappoq, upalungaarsimasut pisortaat, Jens Dahl oqarpoq. Assi © : Susanne Ignatiussen
Ilulissani akunnittarfissaq sanaartorlugu suli naammassineqanngitsoq ippassaq unnukkut nalunaaqutaq arfineq-pingasut qaangilaaraa ikuallalerpoq. Assi © : Susanne Ignatiussen
Ikuallattoqarnerani pujorujussualiortoqarpoq, tamannalu pissutigalugu innuttaasut sumiiffiup qanittuaniittut illumiiginnarnissaannik aamma igalaanik, matunik silaannarissarfinnillu matoorinissaat politiit kaammattuutigaat. Assi © : Susanne Ignatiussen
Allattoq Christine Hyldal (non-activated)
marsip 08-at 2021 16:21

Ilulissani akunnittarfissaq sanaartorlugu suli naammassineqanngitsoq ippassaq unnukkut nalunaaqutaq arfineq-pingasut qaangilaaraa ikuallalerpoq.

Akunnittarfissap quleriaavini qullerpaami ikuallattoqarneranut pissutaasoq politiit misissuleruttorpaat.

Upalungaarsimasut pisortaata, Jens Dahlip oqarnera naapertorlugu akunnittarfissap neriniartarfissaa qullerpaamiippoq.

AAMMA ATUARUK Upalungaarsimanermi pisortaq: Ilulissani akunnittarfiup ikuallanneranut kiassaat supoortoq pissutaasinnaavoq

Taassuma kiassaat supoortartoq ikuallattoqalerneranut pissutaasinnaasutut nalilerpaa. Tamanna eqqortuunersoq politiit misissuinerisa takutissavaat.

Ikuallattoq qatserisartut sulisinnaasut tamarmik suliartoqqusaareernerani unnuaq ataatsip eqqani qaminneqarpoq.

Qatserisartut ikuallattumullu isertartut 29-t ullaaq tallimat eqqaani aatsaat angerlarsinnaalerput.

Ikuallattoqarnerani ajoqusertoqanngilaq.

AAMMA ATUARUK Ilulissani akunnittarfissap ikuallannera nakkutigineqarsinnaalertoq

Ilu Investip pisortaa, Karl Sandgreen akunnittarfimmik sanatitsisuusoq naatsumik tusagassiuutinut ima nalunaaruteqarpoq:

- Neriniartarfissaq Hotel Ilulissani qullerpaamiittoq sapaammi marsip ulluisa arfineq-aappaanni ikuallappoq. Qujanartumik inunnik ajoqusertoqanngilaq.

Akunnittarfissaq qanoq innerlerneqarsimatiginersoq piffissami matumani ilisimanngilarput.

Oqartussat misissuileruttorput, taamaammat annerusumik oqaaseqarsinnaanngilagut.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Naalakkersuisut oqartussaaffinnik agguataarigallartut

Ritzau

Tusagassiuutit: USA-p Jens-Frederik Nielsenip ataatsimeeqatiginissaanut aaqqissuussiniaraluartut

Jørgen Boassen minutsialuit ingerlanerini tusaamaneqalerpoq. Nunarput pillugu paasititsiniaalluni maanna angalasoq

Ullormut nalunaarut: Tasiusaq attaveeruttoq

Jens-Frederik Nielsenip inuiannik nungusaasoqarsimaneranik oqartoqarsinnaanera illersorpaa

Kommuneqarfik Sermersuumi inissiisarneq pillugu akerleriissumik saqqummiisoqartoq