Ilulissani akunnittarfissap ikuallannera nakkutigineqarsinnaalertoq
Ilulissani akunnittarfik suli sanaartorneqartoq, Kaaleeraq Poulsenip aqqutaaniittopq Hotel ilulissat, sapaammi unnukkut ikuallalerpoq.
Ikuallanneq politiinut nalunaaqutaq 20.12 nalunaarutigineqarpoq. Kisianni nalunaaquttap akunneri marlunngortut ikuallannera ima ulorianarunnaartigaaq, politiit ikuallaffiusumi najuunniissat qatserisartunit pisariaqartinneqarnani.
Politiit pigaartuat, Julie Senderowitz KNR-imut taama oqarpoq.
Ikuallanneq quleriit allersaanni aallartippoq, innersuaqarluni pujulioqalunilu.
AAMMA ATUARUK Ilulissat ikuallattoq: Illup iluanut iserlusi igalaat silaannarissarfiillu matusigit
Taamaammat oqartussat qanittuani najugaqartut igalaaminnik matuminnillu matooraanissaannik kaammattuuteqarput.
ingammillu inuit Mathiias Storchip aqqusernaniittut Illumiuniittullu putsumut illersoqquneqartut, Julie Senderowitz KNR-imut oqarpoq.
Nalunaaqutaq unnummut qulip qaangilaaraa politiit nalunaarput, suli pujuliortoq, kisianni siusinnerusutut pujortiginngitsoq.
- Kisianni arlaat niaqorlulissagaluarunik anersaartorniarnikkulluunniit ajornartorsiulissagaluarunik napparsimmavimmut saaffiginnissapput, pigaartut pisortaat oqarpoq.
Ikuallannermi ajoqusertoqarsimasinaanerannik malunnartoqanngilaq soorluttaaq tammaasoqartoqarani.
