Ilulissat ikuallattoq: Illup iluanut iserlusi igalaat silaannarissarfiillu matusigit
Ilulissani akunnittarfimmi nutaami quleriaanni siullermi ikuallattoqarpoq.
Pujornera ulorianarsinnaavoq taamaammat innuttaasut matunik silaannarissarfinnillu matoorinissaat politiit kaammattuutigaat.
Politiit pigaartuat, Julie Senderowitz KNR-imut oqarpoq.
- Innerujussuit pujorlu kujammut ingerlaarput, pingaartumik Mathias Storchip Illumiullu aqqutaani inuit putsumit eqqugaasinnaapput. Pujoq toqunartoqarsinnaavoq, Julie Senderowitz oqarpoq.
Inneq qanoq akoqarnersoq politiit suli ilisimavinngilaat.
- Inunnilli niaqorluttoqalissaguni anersaartorniarnermilluunniit ajornartorsiuteqartoqassaguni napparsimavik attavigineqassaaq, pigaartut pisortaat oqarpoq.